Колку месо и млечни производи смееме да консумираме дневно?

Долго се верувало дека здравата и квалитетна исхрана содржи 4 групи намирници – млечни производи, месо, житарици и овошје и зеленчук. Сепак, денешното мислење на експертите драстично се разликува.

Колку месо и млечни производи смееме да консумираме дневно?

Постојат многу дилеми во врска со исхраната – од квалитетот на производите за кои се верува дека денес се полни со секакви супстанци за продолжување на трајниот рок, до нови болести кои се појавуваат и се поврзани токму со оваа храна.

Канадскиот водич за здрава исхрана, сега има само еден фаворит од групата намирници, а тоа се овошјето и зеленчукот. Според мислењето на експертите, на сите нам ни е потребно многу повеќе храна од растително потекло.

Научниците од Канада сметаат дека половина од чинијата треба да биде полна со овошје или зеленчук, четвртина со квалитетни протеини, а другата четвртина со житарици со цело зрно. Исто така, тие советуваат да се консумираат помалку месо и млечно производи, а протеините да се внесуваат преку храна со растително потекло, како печурки и тофу.

Одлуката за оваа голема промена на водичот за здрава исхрана предизвикала големи расправи. Научниците ја правдаат нивната одлука со тоа дека водичот потекнува од 70-тите години на минатиот век, период кога сè уште не бил откриен гликемискиот индекс и неговото влијание на организмот. Поради ова, храната се третирала многу поразлично.

Покрај зголемениот внес на овошје и зеленчук и намаленото консумирање млечни производи и месо, канадските научници препорачуваат и пиење многу вода. Исто така добро би било да намалите со алкохол и засладени пијалаци што е можно повеќе, бидејќи тие се полни со калории, а немаат никаква хранлива вредност.

Доколку сакате целосно да го исфрлите месото од вашата исхрана, погледнете која храна треба да ја консумирате како замена.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар