Претходно
Како вашиот пристап ја дефинира љубовната врска?
Датум: 01 ное 2013
Коментари: 0
4. Спасители
Умеат да сочувствуваат. Големи филантропи. Веруваат дека поседуваат моќ да им помогнат на другите. Умеат да воочат скриени таленти и личности кои не се ценат доволно себеси. Може да станува збор за луѓе кои едноставно сакаат да помагаат и да им пружат утеха на другите. Неретко може да влетаат во врска чисто поради сожалување. Но исто така, може да станува збор и за такви кои умеат да детектираат „лесен плен“ и да ја искористат ранливоста за да го добијат она што го сакаат.
Главна цел: Покажување грижа и несебичност.
Какви партнери ќе привлечат? Најчесто оние со скршени срца. Луѓе кои поминале низ тежок период или заздравуваат од лоша љубовна врска. Можеби личности кои изгубиле некој кој им бил важен и близок.
Возможен исход: Партнерот може да се измори од улогата на жртва. Спасителите се предани и верни партнери, но сакаат да биде спомнат нивниот труд и да не се заборави на кое било нивно добро дело.
Ваквата врска може да биде хармонична доколку и двете страни имаат разбирање. Доколку обично вака им пристапувате на врските, добро е некогаш да излезете од улогата на спасител и добротвор.
5. Антрополози
Веруваат дека не би требало да се трудат да променат никого. На врските им пристапуваат водени од теоријата дека луѓето не се менуваат а ниту пак треба, бидејќи, народски речено, за секое тенџерче има поклопец. Доколку не можеш да ја прифатиш личноста таква каква што навистина е тогаш едноставно не ви било судено.
Главна цел: Да се прифатат луѓето токму какви што навистина се.
Какви партнери ќе привлечат? Луѓе кои стриктно се држат до своите правила, навики и прописи, имаат свое јас и не го менуваат често своето мислење.
Возможен исход: Ваквата врска може да биде како излезена од рајот, сè додека и двете страни еднакво се прифаќаат меѓу себе. Но сценариото може да биде и сосем спротивно, доколку антрополозите, а и нивните партнери се премногу горди и заради тоа одбиваат да променат карактеристика која ѝ пречи на другата страна.
Ваквиот пристап кон врските може да биде само изговор, прифаќањето на туѓите мани е всушност причина вие да не ги смените вашите лоши навики на пример. Од една страна се грижите да не ги повредите чувствата на вашиот партнер, го/ја прифаќате каков/ва што е, но од друга страна не би промениле ништо што му/ѝ смета. Љубовта подразбира правење компромиси. Секако дека партнерот треба да ве прифати такви какви што сте, но доколку имате навика која навистина му/ѝ пречи, погазете ја вашата гордост.
