Претходно
Како секогаш да имате совршена фризура без да се трудите?
Датум: 24 јан 2016
Коментари: 0
Заборавете на комплицираните фризури кои не само што бараат време за да ги направите, туку бараат од вас и да вложите многу труд за да добиете добри резултати. Од денес, новата мантра на секоја жена треба да биде „колку поопуштено и побушаво, толку подобро“. Погледнете ги следниве 4 фризури кои се лесни за правење и кои гарантираат совршен финален изглед за секоја пригода.
1. Во стилот на 80-тите
Фризурите со степени кои се малку тапирани се идеални за девојките со слободен дух. Тие не бараат многу напор за да се направат, а изгледаат одлично и одговараат со секоја должина на коса. Доволно е на влажна коса да ставите малку пена, да ја исушите и со чешел кој има широки запци да ја тапирате.
2. Неуредна плетенка
За правењето на оваа фризура нема да ви биде потребно огледало. На делумно сува коса нанесете спреј за текстура и избришете ја со пешкир. Потоа ниско соберете ја и направете лабава плетенка. За крај, зацврстете ја со ластиче, но пуштете и неколку прамени околу лицето.
3. Тапирана пунџа
Оваа фризура ќе изгледа добро ако косата ви е погуста, бидејќи за неа е потребен поголем волумен за да се постигне вистинскиот ефект. На коренот на косата напрскајте шампон за суво миење, па префрлете ја надолу и исушете ја со фен. Кога ќе ја исушите косата, префрлете ја наназад и направете високо опавче кое ќе го зацврстете со ластиче. Потоа, опавчето свртете го околу основата и заврзете го во јазол. Фиксирајте ја пунџата со шнолички.
4. Ниско опавче
Доколку имате долга коса без шишки, оваа фризура е како створена за вас. На мокра коса нанесете пена и исушете ја со фен. Исчешлајте го и исфенирајте го предниот дел од косата и фиксирајте со лак за коса. Потоа, лабаво соберете ја над вратот и заврзете ја во ниско опавче.
