Како правилно да го чистите папокот?

Папокот е дел од телото на кој често не му обрнуваме доволно внимание. Овој белег кој го добиваме по раѓањето и пресекувањето на папочната врвка треба да се чисти како и секој друг дел од телото. Но, добро е што одржувањето на папочната хигиена е многу едноставно, па ако не сте го практикувале досега, отсега веќе ќе немате причина да го занемарувате.

Како правилно да го чистите папокот?

Вообичаеното туширање не е доволно за чистење на овој дел од телото кој е склон на собирање бактерии (тука се наоѓаат околу 65 различни видови). Папокот треба да го одржувате чист на следниот начин:

Ако имате вовлечен папок, еднаш неделно чистете го со стапче за уши кое претходно ќе го натопите во вода и сапун, а можете и да го пребришете со алкохол.

Ако пак вашиот папок е испапчен, еднаш неделно избришете го со крпата за бањање натопена во вода и сапун.

Зошто е важно папокот да се одржува чист?

Бидејќи во него се собира многу нечистотија и ако се натрупа премногу, може да се развие инфекција пропратена со црвенило, чешање, иритација на кожата како и непријатен мирис.

Ако папокот веќе го зафатила инфекција и не можете сами да ја отстраните со чистење, за помош обратете се кај вашиот матичен лекар или директно кај дерматолог.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар