Како да направите гениј од вашето дете?

Развојот на децата е одреден од многу фактори, а најважно е во какво семејство тие растат. Бидејќи семејството е најважен и основен агенс на социјализација, многу е важно колку е тоа хармонично и какви се односите помеѓу членовите.

Како да направите од вашето дете гениј?

Педагозите од целиот свет се согласуваат дека за развојот на менталните способности кај децата неопходна е постојана комуникација со нив, различни игри и урамнотежена исхрана.

Освен тоа, докторите по медицински науки од Америка, Ројзен и Оз им ги нудат на родителите следниве правила кои ќе помогнат нивните деца да го развијат умот до генијалност:

  • Поттикнување преку игра (заедничките игри се многу корисни, особено оние во кои секој има своја улога).
  • Време за читање (обидете се да му читате).
  • Разговарајте со детето како да е возрасен човек, нека биде главен соговорник, а зборовите изговарајте ги колку што е можно појасно и без гестикулација.
  • Ослободете се од изворите на бука (исклучете ги телевизорот, компјутерите и телефоните.)
  • Пуштајте му музика.
  • Претворете ја обичната прошетка во вистински излет (покажете му на детето што се случува наоколу, нека обрне внимание на некои растенија или цветови, од каде е водата на асфалтот или од каде доаѓа дождот.)
  • Бидете пример кој треба да се следи (детето ќе сака да прави сè што прават неговите родители.)
  • Секогаш поддржете го детето во неговите хобија.

Напомена: За да израсне во гениј треба да му обезбедите урамнотежена исхрана, правилно и редовно спиење, како и физичка активност. Во дневното мени на детето мора да има маслиново масло, спанаќ, ленено семе, риба.

Секое дете е различно и со секое е потребен различен пристап. Децата се уникатни, љубопитни, искрени, постојано активни и сакаат да истражуваат. Вие треба само правилно да ги насочувате и воспитате за еден ден да станат самостојни, одговорни и успешни млади луѓе.

Прочитајте ги и овие совети кои ќе ви помогнат да ги научите децата на убаво однесување.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Психолог кој најдобро се изразува преку пишаниот збор. Нејзиниот личен лајтмотив гласи: „Остани своја и поинаква бидејќи само така ќе блеснеш во полн сјај!“

Поврзани содржини

Остави коментар