Кафе, рум и ванила: Тирамису тортички кои нема да ве остават рамнодушни

Што повеќе би посакале од едни капкејкс?

Кафе, рум и ванила: Тирамису тортички кои нема да ве остават рамнодушни

Потребни состојки:
За тестото:
  • 170 грама брашно
  • 100 грама путер
  • 160 грама шеќер
  • 2 јајца
  • Прстофат сол
  • 1,5 лажица прашок за печиво
  • 200 милилитри млеко
  • 2 грама ванила
За филот:
  • 250 грама маскарпоне
  • 150 грама шлаг пена
  • 5 лажици шеќер во прав
  • 2 грама ванила
  • 2 лажици какао во прашок
За сирупот:
  • Свежо подготвено кафе
  • 2 лажици рум
Начин на подготовка:

Изматете ги заедно путерот, шеќерот, солта и ванилата. Додајте ги јајцата, едно по едно, и потоа сипете ги и млекото и брашното заедно со прашокот за печиво во следниов ред: Половина млеко, половина брашно, останатиот дел од млекото и останатиот дел од брашното. Измешајте добро.

Пополнете ги калапите со смесата. Загрејте ја рерната на 180 степени и печете ги тортичките на околу 25 минути.

Додека тие се печат, подгответе го кафето и дозволете му малку да се олади, а потоа додајте му рум. Кога тортичките ќе бидат готови, направете 10 до 12 дупчиња со чепкалка за заби во секое од нив. Сипете ја смесата со кафето и румот во секое од нив, полека, користејќи лажица.

За филот, изматете го маскарпонето, а во друг сад комбинирајте ја шлаг пената со шеќерот во прав и ванилата. Измешајте добро. Потоа внимателно спојте ги двете смеси и откако ќе ги измешате, нанесете ги на тортичките. Декорирајте со какаото во прав.

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар