Имате потреба за слатка храна? Вашиот организам ве предупредува на недостаток од магнезиум

Имате потреба за слатка храна? Вашиот организам ве предупредува на недостаток од магнезиум

Желбата за одредена храна не е само каприц, туку начин на кој вашето тело се обидува да ви каже што му недостига. Па, во однос на тоа за што копнеете, лесно можете да дознаете што точно му треба на вашето тело. Во продолжение прочитајте за што станува збор.

2-potreba-za-slatka-hrana-nedostatok-na-magnezium-vashiot-organizam-ve-predupreduva-na-nedostatokot-na-minerali-www.kafepauza.mk_

1. Желба за тесто и тестенини – недостаток од азот

Доколку имате изразена желба за внесување јаглехидрати, тоа може да биде сигнал за недостаток на азот во исхраната. Овој елемент се наоѓа во секоја жива клетка и се користи за одредување на протеините во храната. Протеините содржат околу 16% азот, па најдобро е да ја задоволите желбата за јаглехидрати со храна богата со протеини, како што е рибата, месото, јатките и житарките. Азотот е важен за нормална работа на срцето, подигнување на метаболизмот, работата на бубрезите, но и за здравјето на кожата и косата.

2. Желба за чоколадо – недостаток на магнезиум

Луѓето кои скоро секојдневно имаат потреба за чоколадо, често имаат хроничен недостаток на магнезиум. Тој минерал е неопходен во бројни телесни функции – од регулирањето на крвниот притисок и шеќерот, до управување со работата на мускулите и нервите. Потребите за магнезиум растат во периодите на стрес, а неговиот недостаток можете да го надополните со внесување јаткасти плодови, разни семки, урми, житарки и зелен лиснат зеленчук. Во 100 грама црно чоколадо се наоѓаат дури 176 милиграми магнезиум, што е половина од препорачаната дневна доза, па доколку веќе сакате да јадете чоколадо, избирајте ја црната и поздрава варијанта.

3. Желба за кафе – недостаток на соли

Доколку имате потреба постојано да внесувате кафе или чај во организмот и внесувате повеќе од овие напивки отколку вода, тоа може да биде знак за недостаток на разни хранливи материи, како што се фосфорот, сулфурот, солта и железото. Недостатокот на фосфор може да предизвика проблеми како што се намалување на апетитот, анемија, слабост на мускулите, болки во коските и чувство на пецкање или „штипкање“ во дланките и нозете. Можете да го надополните со зголемено внесување житарки, пилешко месо, говедско месо, риби, јајца, млечни производи и пивски квасец.

4. Чести воспаленија – недостаток на сулфур

Кај недостатокот на овој елемент може да дојде до нарушување во создавањето колаген и кератин, телото станува помалку отпорно на воспаленија, а кожата – потенка. Можете да го надополните со дополнително внесување јајца, кромид и лук, авокадо, житарки, марула, мешунки, малини, лешник, бадеми и компир.

1-potreba-za-slatka-hrana-nedostatok-na-magnezium-vashiot-organizam-ve-predupreduva-na-nedostatokot-na-minerali-www.kafepauza.mk_

5. Замор и главоболки – недостаток на сол

Иако како почест проблем се јавува прекумерното внесување и задржување на солта во телото, сепак може да се случи да имате недостаток во организмот, најчесто поради зголеменото задржување на течностите. Симптомите се чести главоболки, замор и раздразливост, а долготрајниот недостаток може да доведе и до оштетување на срцето. Недостатокот надополнете го со внесување морска сол и јаболков оцет.

6. Сива кожа и срцебиења – недостаток на железо

Недостатокот на железо може да резултира со појава на анемија со симптоми на забрзано дишење, срцебиење, сива боја на кожата, опаѓање на косата и намалена енергија. Надополнете го со почесто внесување месо, вклучувајќи ги и внатрешните органи, зеленчук како што е спанаќот, цвеклото, брокулата и мешунките, а сите производи комбинирајте ги со внесување витамин Ц за вашето тело полесно да го апсорбира железото.

7. Желба за мрсна храна – недостаток на калциум

Доколку имате неодолива потреба за внесување мрсна храна како што е чипсот, помфритот или воопшто која било друга брза храна, можно е да ви недостига калциум. Калциумот го чува здравјето на забите и коските и тој е неопходен за нормално функционирање на мускулниот и нервниот систем. Одличен извор за овој минерал, освен сирењето, се млекото, јогуртот, сардините, лососот и брокулата. Исто така, се препорачува поголемо внесување јаткасти плодови и ленено семе, кои се богати со есенцијални масни киселини.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Комуникативна, весела, оптимистички настроена. Обожава книги, музика, филм и приказни кои инспирираат. Сака да пие кафе, па макар и сама. Верува во себе и во своите можности, бидејќи кој не се обидел - не успеал!

Поврзани содржини

Остави коментар