Претходно
Еве зошто не треба да очекувате ништо од никого!
Никогаш не земајте ништо здраво за готово. Вие сте личноста која треба да ги реши вашите стравови и да ги пополни вашите празнини. Не ја префрлајте оваа задача на никого, не претворајте никого во роб на вашите очекувања. Ако избегнувате превисоки очекувања, ќе им дадете и поголема слобода на другите.
Понекогаш имате многу големи очекувања од некои луѓе. Тоа е навика која ја имаме сите, некои повеќе, некои помалку. Сметате дека партнерот мора да ве поддржува во сè што правите, очекувате семејството да ви ги реши сите проблеми или пријателите да бидат таму секогаш кога ќе ви требаат…
Меѓутоа, со преголемите очекувања од оние околу вас, можете да станете себични и да ги натерате да се чувствуваат обврзани да ја исполнат секоја ваша желба. На тој начин им ја ограничувате слободата, додека реално вие самите сте единствената личност од која треба да го очекувате сето ова.
Поголемиот дел од животот го поминувате „очекувајќи нешто“: очекувате да се случи она што сакате, очекувате луѓето да се однесуваат онака како што вие посакувате. Сепак, не сте целосно свесни дека „очекувањето“ понекогаш е синоним за „сакање“, што подразбира мала манипулација од ваша страна.
Луѓето кои се дел од вашите животи треба секогаш да дејствуваат во целосна слобода и според нивната волја. Ако прават нешто за вас, тоа е затоа што сакаат да го направат тоа од срце и добро е да им бидете благодарни; но ако не го сторат тоа, тоа не треба да ве загрижува или да ве прогонува.
Наместо тоа, треба да очекувате сè од себе: мора да бидете способни да ги решавате сопствените проблеми без некој друг да го прави тоа наместо вас, мора да се соочите со вашите стравови, наместо да ги проектирате на другите.
Опасната моќ на очекувањето
Секој во себе носи очекувања кои кријат одреден степен на надеж. Секој има речиси природна тенденција да предвидува настани и да прави претпоставки за другите преку „се надевам“ или „сакам“. Кога нешто тргне наопаку, тогаш настанува разочарување. Знаете ли дека разочарувањето се јавува најчесто како резултат на претераните очекувања и надежи?
Избегнувајте сигурност, прифатете го неочекуваното
Знаеме дека е заморно, знаеме дека не е лесно да се прифати дека животот е непостојан и дека оние кои ве сакаат денес можеби утре нема да го чувствуваат истото. Како да се справите со сите овие секојдневни неизвесности?
Вие самите треба да се изборите со вашите стравови и празнини. Оставете ги другите да ве сакаат слободно и без потчинување, нека направат нешто за вас само ако сакаат, а ако не го сторат тоа, не ги казнувајте и не бидете строги со нив. Од друга страна, и вие однесувајте се како што сакате, научете да се движите низ светот со самодоверба и зрелост, градејќи ја сопствената среќа.
Откако прочитавте зошто не треба да очекувате ништо од никого, можеби ќе сакате да прочитате и како да поставите соодветни очекувања од љубовната врска и да се заштитите од разочарувањата.
Извор: atma.hr
