Претходно
Еве како да постапите доколку вашиот партнер одбива да се приврзува во љубовната врска
Доколку вашиот партнер е од оние кои одбегнуваат да се приврзуваат тоа може да биде вистински предизвик затоа што таквите луѓе имаат тенденција да ја избегнуваат емоционалната интимност, а чувството на блискост во врската ги тера да се чувствуваат непријатно.
Честопати, тоа се луѓе кои се борат да ги изразат своите чувства, не сакаат да покажат моменти на слабост и се повлекуваат од партнерот кога се чувствуваат преоптоварени или вознемирени. Затоа, доколку се справувате со ваков тип на предизвик, неопходно е да покажете трпение, разбирање и сочувство така што ќе ги примените овие совети.
1. Разберете го начинот на приврзување на партнерот
Разбирањето на начинот на приврзување на вашиот партнер е клучно за градење здрава и исполнета врска. Ова може да ви помогне да бидете потрпеливи со него, дури и ако неговото однесување ви се чини неприфатливо на прв поглед.
2. Обидете се да не го сфаќате лично неговото однесување
Важно е да запомните дека постои голема веројатност партнерот да се бори со емоционална интимност и можеби ќе му треба повеќе простор во врската. Тоа значи дека е особено важно да не го сфаќате лично неговото однесување бидејќи тоа не е одраз на вашата вредност или неговите чувства кон вас. Наместо тоа, обидете се да бидете разбирливи и да го поддржувате, давајќи му време и простор за да се чувствува удобно и сигурно во врската.
3. Бидете трпеливи со партнерот
Бидете трпеливи со партнерот и отстапете му време и простор во врската. Тоа ќе доведе до создавање средина која поттикнува емоционална интимност и блискост. Со тоа што ќе му дадете време и простор да се чувствува удобно и сигурно во врската, можете да придонесете за креирање подлабока врска која ќе биде изградена од доверба и взаемно почитување.
4. Секогаш комуницирајте отворено и јасно со него
Во оваа ситуација, јасната и директна комуникација е од суштинско значење. Ова значи да ги изразите вашите потреби и очекувања на директен начин, а истовремено да покажете дека сте заинтересирани да ја слушнете неговата перспектива.
5. Не обидувајте се да го контролирате неговото однесување
Обидот да го контролирате однесувањето на вашиот партнер не е корисно за градење здрав однос со него. Наместо да се обидувате да го промените или контролирате, попродуктивно е да го прашате што му треба од вас за да се чувствува сакано и исполнето.
Откако ги прочитавте нашите совети, можеби ќе сакате да прочитате и зошто меѓусебната поддршка е еден од најважните елементи за здрава љубовна врска.
Извор: themindsjournal.com
