Претходно
Дали пешачењето може да го замени вежбањето?
Кога зборувате за вежбање, веројатно првите нешта на кои помислувате се теретана и тренинг. Сепак, пешачењето е исто така еден вид на вежбање кое може да ја подобри кардиоваскуларната кондиција. Освен тоа, пешачењето стана исклучително популарно во последните години бидејќи е една од најлесните форми на вежбање за повеќето луѓе и погодна за секоја фаза од животот и за сечија возраст.
Како пешачењето ја подобрува кондицијата?
Пешачењето може значително да ви помогне да останете во добра форма. Освен тоа, може да ја подобри и вашата ментална кондиција. Истражувањата покажале дека оние испитаници кои секојдневно пешачеле имале помал ризик од хипертензија, висок холестерол и дијабетес. Исто така, пешачењето може да ви помогне и полесно да се изборите со секојдневниот стрес.
Интензитетот на пешачењето
Темпото на пешачење може да биде индивидуална техника. Одење со одредено темпо најмалку три пати неделно може да доведе до губење на тежината, како и до подобрување на здравјето. Брзото темпо во комбинација со здрава исхрана ќе ви овозможи полесно да ги согорите калориите.
Во секој случај, станува збор за активност која нема никакви негативни ефекти врз вашето тело.
Откако прочитавте за менталните и физичките придобивки од пешачењето, можеби ќе сакате да прочитате и како 15-минутното пешачење на ден може целосно да ви го смени телото.
Извор: ljepotaizdravlje.hr
