Дали е можно да имате канцерогена бемка без да бидете свесни за неа?

Според една неодамнешна студија спроведена од страна на Британската асоцијација на дерматолози, повеќе од 3/4 од луѓето не ги препознаваат знаците на опасност за рак на кожа. И поголемиот дел од нас не ги правиме месечните проверки препорачани од дерматолозите.

(1) Дали е можно да имате канцерогена бемка без да бидете свесни за неа?

Оваа студија открила и дека 81% од сите учесници не се чувствувале способно да ги препознаат знаците за рак на кожата кој не е меланом. Овие видови рак се карактеризираат со појава на грутка или промена на бојата на кожата која не зараснува, најчесто на лицето, ушите, рацете или рамената. Па, како најлесно да ги препознавате знаците и симптомите на различни видови рак?

Рак на базални клетки

Ракот на кожа може да дојде во форма на рак на базалните клетки, кој понекогаш се нарекува и чир глодач.

(2) Дали е можно да имате канцерогена бемка без да бидете свесни за неа?

Знаците и симптомите за овој рак вклучуваат грутка која:

  • изгледа мазно и сјајно
  • делува восочно
  • делува како цврст и црвен израсток
  • понекогаш крвави
  • развива кора или лишај
  • започнува да заздравува, но никогаш целосно
  • ве чеша
  • изгледа како рамна црвена дамка која всушност е сува и крастава
  • се претвора во безболен чир

Скоро 75% од сите видови рак на кожата се од овој вид, кој најчесто се развива бавно и скоро никогаш не се проширува на други делови од телото. Доколку се третира во рана фаза, тој скоро секогаш може целосно да се излечи. Но, постојат и некои кои се поагресивни, па доколку се остават да растат можат да се прошират во подлабоки делови од кожата, како и во коските, а со тоа и да го отежнат лекувањето.

Сквамозен карцином на клетките

Уште еден вид рак на кожа, кој не е меланом, е ракот на кератиноцитните клетки, во надворешниот слој од кожата. Тој најчесто се појавува на лицето, вратот, скалпот, рацете, како и на внатрешната страна од рацете и долниот дел од нозете. Овој вид рак е вториот по ред најчести видови рак.

(3) Дали е можно да имате канцерогена бемка без да бидете свесни за неа?

Знаците и симптомите за овој рак вклучуваат грутка која:

  • изгледа суво
  • има цврста и корава обвивка
  • ја подигнува кожата во својата околина
  • делува чувствително на допир
  • понекогаш крвави

Меланом

Истражувањето исто така открило и дека 77% од учесниците не се чувствуваат способни да ги откријат знаците за меланом – најсмртоносната форма рак на кожа. Меланомот може да се појави насекаде ширум телото, но најчесто се појавува на грбот, нозете, рацете и лицето, а понекогаш дури и под ноктите. Иако тоа поретко се случува, сепак овој рак може да се прошири и на другите делови од телото, правејќи го посмртоносен.

(4) Дали е можно да имате канцерогена бемка без да бидете свесни за неа?

Најчестите знаци вклучуваат појава на нова бемка или промени во онаа која веќе ја имате. Токму затоа внимавајте на бемката која:

  • станува поголема
  • променува форма
  • променува боја
  • крвави или станува крастава
  • ве чеша или ве боли

Друг начин на кој можете да направите разлика помеѓу нормална бемка и меланом е доколку ја следите следнава АБВГД листа за проверка:

Асиметричност: Меланомите имаат 2 различни половини и неправилна форма.

Боја: Меланомите можат да бидат комбинација од 2 или повеќе бои.

Висина и зголемување: Бемката која менува големина со текот на време има поголеми шанси да е меланом.

Граница: Меланомите имаат груби краеви.

Дијаметар: Меланомите се често поголеми од 6 милиметри во дијаметар.

Опасности кои ги носат изгорениците од сонцето

Резултатите ни откриваат и дека 72% од луѓето кои учествувале во студијата биле изгорени од сонцето во текот на претходната година и тоа експертите го објаснуваат како шокантно. Луѓето ја потценуваат штетата која може да настане од изгорениците од сонцето, па токму затоа и треба да се преземат мерки со кои тие ќе можат да уживаат на топлото време додека се заштитени.

(5) Дали е можно да имате канцерогена бемка без да бидете свесни за неа?

Луѓето сметаат дека зацрвенувањето на кожата е сосема безопасен дел од процесот на сончање, но вистината е дека станува збор за штета која може трајно да ја оштети вашата кожа. Оние кои изгореле додека се сончале имаат многу поголема шанса за развивање меланом од оние кои никогаш не изгореле…


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар