Брзо и лесно: Двобојна чоколадна торта без печење

Уживајте во секој залак од ова кремасто чоколадно задоволство

brzo-i-lesno-dvobojna-chokoladna-torta-bez-pechenje-kafepauza.mk

Потребни состојки:
  • 1 литар млеко
  • 10 лажици шеќер
  • 3 пудинзи од ванила
  • 300 г млечно чоколадо
  • 100 г бело чоколадо
  • 500 мл слатка павлака
  • Бисквити
Начин на подготовка:
  1. Во 200 мл млеко разматете ги пудинзите и шеќерот. Остатокот млеко сипете го во тенџере, пуштете го на средна температура и почекајте да зоврие. Додајте ги разматените пудинзи со шеќерот и мешајте додека не добиете пудинг смеса.
  2. Поделете ја количината на два еднакви дела, па во едниот ставете го млечното, а во другиот белото чоколадо. Мешајте додека чоколадото не се растопи. После тоа оставете смесата да се олади.
  3. Измиксајте ја слатката павлака, па по четврт од добиената смеса додајте во двете смеси со чоколадо.
  4. Во кружен калап (може и тавче), ставете фолија на дното и на страните, па излијте ја белата смеса и дел од темната смеса. Смесите благо промешајте ги како би се формирале црно-бели шари.
  5. После тоа нанесете го остатокот од слатката павлака, па остатокот од темната смеса и израмнете. Правете го ова полека, без брзање.
  6. Бисквитите натопете ги во млеко и редете ги по површината на смесата. Потоа преку колачот поставете фолија и ставете го во фрижидер на околу 2 часа за сосема да се стегне.
  7. Извадете го, тргнете ја фолијата и ставете кружен послужавник врз колачот (добро е да е малку поголем од колачот) и превртете. Отстранете го калапот и тоа е тоа. Тортата може да се декорира по желба.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар