Бидете поефективни во учењето со помош на овие 4 совети

Бидете поефективни во учењето со помош на овие 4 совети

За време на тримесечје, полугодие или колоквиумска недела, учениците/студентите се под преголем стрес, уморни, а сепак се чувствуваат недоволно спремни за периодот кој им претстои. Постојат неколку начини да бидете успешен ученик/студент.

bidete-poefektivni-vo-ucenjeto-kafepauza.mk

1. Спијте

Спијте по минимум 6 саати без разлика на сѐ. Ова правило најмногу треба да се почитува во времето пред тест/колоквиум. Многу е подобро да жртвувате некој час учење отколку да останете будни цела ноќ и следниот ден да не можете воопшто да функционирате. Нити фактот дека сте млади, нити енергетските пијалаци ќе ви ја донесат потребната енергија. Единственото нешто што создава енергија е квалитетниот сон.

2. Трудете се да се храните барем 80% здраво

Кога треба да правите проект, да учите или да правите нешто што бара голема концентрација најмалку препорачливо е да јадете голем оброк. Ако јадете двоен чизбургер, Кока-кола и плус десерт тогаш енергијата место да оди за фокусирање на зададената задача, ќе оди за обработка на храната.

1-bidete-poproduktivni-vo-ucenjeto-kafepauza.mk

Јадете т.н. „чиста храна“. Под ова се подразбира природна храна која не е обработувана. Значи, тука спаѓаат варената храна, свежото овошје и зеленчук, продукти од цело зрно како и сето она што не содржи конзерванси, високи нивоа на натриум, адитиви и сл. Исто така едно од најважните правила кај ваквиот начин на исхрана е дека ако има повеќе од 5 состојки тогаш веројатно е штетно по вашето здравје.

3. Вежбајте

Не само што е одлично за јакнење на телото и кондицијата, вежбањето исто така го подобрува сонот. Како резултат на вежбањето ќе се чувствувате посреќни и поспремни да се соочите со проблемите коишто ги имате, бидејќи при тоа се ослободуваат ендорфини кои го намалуваат стресот. Ќе спиете подобро, ќе имате пониско ниво на стрес и ќе добиете прекрасно тело – ова се дефинитивно најдобрите причини зошто уште сега би требало да започнете со вежбање.

2-bidete-poproduktivni-vo-ucenjeto-kafepauza.mk

4. Правете нешто што ве релаксира

Читајте книга, слушајте музика, почестете се со добар шопинг и сл. Ваквите активности барем на кратко ќе ве ослободат од обврските и ќе ве релаксираат. Но, немојте да се заборавите. Одвојте само 1 час за ваква активност. Паузите за време на учењето се навистина важни затоа што на мозокот му е потребно време да ги восприеми сите информации. Можете да учите 8 часа без престан, но вашиот мозок така сигурно нема да функционира добро. Одморете се малку и потоа продолжете со работа.

 


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Живее за добра книга и дише преку пишаниот збор. Кога би можела, цел живот би патувала, би читала и би гледала филмови. Вљубеник во фотографијата и класиката. Оптимист и поборник за љубов. Модата е нејзиниот начин да го изрази своето мислење и став. Животот за неа е уметност, филозофија и добра храна.

Поврзани содржини

Остави коментар