Ако не знаете да се однесувате како кралица, не очекувајте бајка

Ако не знаете да се однесувате како кралица, не очекувајте бајка

Сигурно сте прочитале милион статии кои го советуваат следново: Престанете да чекате да се појави маж кој ќе ве сака и едноставно сакајте се себеси. Убаво звучи како теорија. Уживајте во топла бања, пијте чај и заборавете на сите идиоти кои ви го скршиле срцето! Но, како и сите други теории, така и оваа, тешко е да се примени во пракса.

Ако не знаете да се однесувате како кралица, не очекувајте бајка

Лесно е да се сакате себеси додека се шминкате наутро и танцувате на песни од Бијонсе пред огледало. Но, потешко е да се направи истото кога сте испиле 3 вотки и дечкото кој веќе 4 пати ве откачил ви ветува дека сега созреал и овој пат ќе биде поинаку. На сите ни се случува истото. Сигурно досега милион пати сте го започнале денот полни со самодоверба и потоа во текот на вечерта сте направиле нешта за кои подоцна сте зажалиле. Сте си ветиле дека нема да ги повторувате истите грешки и потоа сте се чувствувале лошо што не сте се држеле до планот.

Многу девојки постојано си ветуваат дека нема повеќе да си имаат работа со момци кои само ги искористуваат и потоа доброволно дозволуваат да бидат искористени. Заглавуваат во истиот маѓепсан круг на лоши љубовни врски одново и одново, а сите „експерти“ советуваат дека проблемот ќе се реши со едноставна утринска мантра и позитивни афирмации. Ако решението е толку едноставно зошто постојано ги повторуваме истите грешки?

Човечки е да се греши и ќе продолжиме да грешиме сѐ додека еден ден не ни дојде памет. Ќе грешите сѐ додека еден ден не излезете со маж кому знаете дека не му се допаѓате баш и наместо да отидете кај него дома, ќе одберете да си отидете сами и да си пуштите филм. Можеби ќе се прашувате дали сте го направиле вистинскиот избор и ќе почнете да се премислувате бидејќи никој не сака да ги поминува ноќите сам. Но, треба да бидете горди на себе бидејќи сте успеале да направите нешто различно и сте излегле од маѓепсаниот круг.

Љубовта кон себеси не треба да ја покажете само еднаш и потоа да заборавите на неа, туку треба да се сакате без оглед на тоа каква одлука ќе донесете. Треба да се сакате себеси дури и ако се премислите за 5 минути, а не да се чувствувате лошо поради тоа.

Ќе почнете вистински да се сакате себеси кога ќе имате разбирање за вашите лоши проценки и човечки грешки. Треба да го прифатите фактот дека нема да успеете секогаш сѐ да направите совршено. Наместо тоа, обидете се да направите нешто што ќе ви користи и понатаму во иднина, а не само моментално. Во ред е да потклекнете на искушенијата понекогаш. Љубовта кон самите себеси не е само моментална лекција, туку вечна авантура.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар