Претходно
7 статуси кои жена никогаш не би требало да ги објави на Фејсбук
Фејсбук е супер работа за оние коишто знаат да го користат! Освен допишувањето, флертувањето, интересните информации кои никогаш не би ги дознале ако не постоеше тој, оваa социјална мрежа е и супер место за промоција. Сепак, овие 7 статуси ниту една образована, зрела и паметна дама нема да ги објави.
1. Жалење за шефот/колегите/работата
Бидете сигурни дека тоа кога-тогаш ќе го дознаат, ако не и веднаш.
2. Ултрапатетични љубовни статуси
За тоа постои друго место, а тоа се вика телефон. Јавете им се на вашите пријателки и споделете ги проблемите таму.
3. Неважни статуси
„Само што изедов 100 кг чоколадо. САМА!“ На кого му е воопшто гајле за ова?
4. Статуси за времето
Сè уште сите имаме прозори. Нема потреба да ги известувате другите дека надвор паѓа снег. Гледаат!
5. Пасивно-агресивен статус
„Мразам кога луѓето за кои си мислел дека ти се пријатели излегуваат најголеми предавници. Да, добро знаете кои сте.“
Да, веројатно знаат, но со ова и вие станувате една од нив.
6. Договарање за излегување
Вие и вашите другарки вечер излегувате и тоа е супер. Меѓутоа, договорете се преку пораки, а не на ѕидот на некоја од вас.
7. Караници
Исто како и љубовните испади така и караниците се приватна работа. Останете дама и караниците и несогласувањата решете ги на некое приватно место.
