Претходно
6 знаци дека вашата девојка ќе биде добра мајка
Откако ќе поминат некое време во врска, мажите почнуваат да размислуваат за заедничка иднина со жената која ја сакаат и едно од најбитните прашања кое си го поставуваат е дали таа може да биде добра мајка за нивните деца. Експертите упатуваат на шест знаци кои треба да ги побарате кај неа за да знаете со каква потенцијална мајка сте во врска.
1. Дали се интересира за деца?
Девојките кои ќе се претворат во добри мајки уште пред да имаат деца искрено се интересираат за нив. Сакаат да си играат со децата на нивните браќа, сестри или пријатели и добро си поминуваат со нив. Тие можат да бидат забавни мајки за нивните деца.
2. Дали знае да се поврзе со децата?
Таа лесно се поврзува со дечињата. Иако не се нејзини, тие ѝ веруваат, слободни се со неа и лесно се поврзуваат. Ако тоа не се случува, идната мајка би можела да биде обесхрабрена во мајчинството.
3. Дали е трпелива и сочуствителна со децата?
Постоењето на самиот интерес за децата не е доволен за да се предвиди дека некоја девојка ќе биде добра мајка. Потребно е таа во односите со нив да покаже емпатија и да биде трпелива. Со овие особини нема да експлодира кога ќе го види својот двегодишен син како си игра со брашното на подот на кујната знаејќи дека треба да чисти иако е изморена. Во тој момент таа треба да покаже разбирање за начинот на кој размислува детето и да биде трпелива со него.
4. Дали имате ист поглед во врска со начинот на одгледување деца?
Во ред е ако имате одредени разидувања кои не се големи, но ако таа смета дека смее да го удри детето од „педагошки“ причини, тогаш сигурно треба да размислите дали сакате таа жена да биде мајка на вашето дете. Разликите, доколку постојат, треба да бидат такви што ќе ви овозможат постигнување компромис кога ќе решавате на кој начин ќе го наградувате или казнувате детето.
5. Каков личен систем на вредности има таа?
Убаво е ако е забавна, но морате да бидете сигурни и дека поседува морални вредности кои овозможуваат добро мајчинство. Потребно е таа да биде грижлива, а истовремено и да се обидува да воведе дисциплина и амбиција во животот на детето за да може тоа да успее понатаму.
6. Дали е флексибилна?
Таа ќе има одредени планови, но мора да биде флексибилна кога интересот на децата е во прашање. Децата понекогаш се разболуваат или им треба помош во врска со училишниот материјал, а таа, како и таткото, ќе мора да се приспособи на нивните потреби.
