5 навики кои ги имаат еротичните жени

5 навики кои ги имаат еротичните жени

Што ја опишува еротичната жена? Дали таа е онаа која совршено комуницира со својата женственост и добро ја носи својата сексапилност? Дали таа зрачи со сигурност, поседува интелигенција и има силен став? Едно е јасно – таа е крајно слободна, а освојува со поглед, со начинот на движење и со држењето на телото.

5-naviki-koi-gi-imaat-erotichnite-zheni-kafepauza.mk

Но покрај ова, таа поседува и 5 навики кои ја издвојуваат од останатите.

1. Еротичната жена не влегува пребрзо во интимни односи

Еротичната жена е многу слободна и ужива во сексот, но таа добро размислува пред да се одлучи на интимен чин со новиот партнер, посебно ако сака сериозна врска и посветеност. Не се работи за жена која е ограничена со правила. Напротив, таа само знае дека избрзувањето со сексуалниот однос има превисока цена.

2. Таа е страсна во сè што прави

Дамата која зрачи со сексапил не е зависна од нејзиниот партнер, не се држи за него со сета снага. Мажот го прави нејзиниот живот поубав, но тој не е нејзиниот живот. Многу жени грешат и го поистоветуваат својот живот со животот на партнерот во надеж дека така ќе постигнат неверојатна блискост, но слободната и сигурна жена знае дека независноста не е препрека туку шанса за поубава врска. Привлечна е жената која го исполнува својот живот со интересни и важни потфати, смислува цели и ги исполнува, а често има сосема посебна кариера, хоби и сметки во банка.

3. Еротичната жена е емоционално стабилна

Жената која се одликува со еротичност и сила, е многу стабилна и смирена и знае да ја контролира својата лутина. Посакуваната жена знае дека среќата потекнува однатре, наспроти сите надворешни извори кои ја опкружуваат. Затоа креира стабилност и успева да ги задоволи своите емотивни потреби преку на различни начини – излегување со пријателките, редовно вежбање, ослободување од стресот со разни техники за опуштање. Така секогаш успева да биде топла, нежна и полна со разбирање и љубов кон својот партнер. Еротичната жена знае дека само со балансиран живот може да има среќна и успешна врска.

4. Таа ги познава своите граници

Силна е и не се плаши да зборува и слободно да ги изразува своите ставови. Тоа посебно се однесува на границите кои ги поставува во врската – како во сексот, така и во другите елементи од односот. Жената која се однесува како „чергиче“ не пробудува желба и интерес кај мажите. Од друга страна пак, еротичната и силна жена нема премногу барања и не бара посебен третман. Таа едноставно очекува одредено ниво на почит и не се плаши да ги изрази своите потреби.

5. Еротичната жена не брза во својот живот

Жените денес се борат со бројни притисоци – што да јадат, како да имаат убаво тело, кога е вистинското време за мажење, кога треба да раѓаат и слично. Но, овие притисоци и брзањето кое тие го повлекуваат се пречка во развојот и зацврстувањето на суштинската женственост, што жената ја доведува до погрешни избори и последици кои имаат висока цена.

Еротичната жена е сигурна во себе и во своите квалитети, има целосна контрола врз својот живот и го следи својот љубовен однос од ден во ден. Ако почувствува дека партнерството не е искрено и вистинско, таа попрво ќе одбере самотија со моќна женственост, затоа што таквата самотија за неа никогаш не трае предолго.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Верува во луѓето и сака да ги разбира. Музиката – страст, кафето – љубов. Позитивна личност и ја гледа добрата страна и во најлошите работи. Невозможното е возможно кога ќе се открие вистинскиот пат.

Поврзани содржини

Остави коментар