Претходно
36 прашања до посилна врска
Д-р Артур Арон, професор по психологија на универзитетот Стоуни Брук во САД и специјалист по меѓучовечки односи издвојува 36 прашања кои помагаат да се изгради посилна врска. Тој вели дека откако ќе дискутираат за некои од овие прашања, личностите потоа се чувствуваат подобро и сакаат да се видат повторно.
- Ако можеш да избереш која било личност на светот, кого би одбрал/а да ти дојде на гости?
- Сакаш ли да бидеш славен/на? На кој начин?
- Дали размислуваш што точно ќе кажеш пред да се јавиш на телефон? Зошто?
- Каков би бил твојот совршен ден?
- Кога последен пат пееше сам/а? А на некој друг?
- Кога би можел/а да живееш 90 години и во последните 60 да имаш ум или тело на 30-годишник, кој би бил твојот избор?
- Дали потајно размислуваш за тоа како ќе умреш?
- Наброј 3 нешта кои ви се заеднички со партнерот.
- За што си најмногу благодарен/на во животот?
- Кога би можел/а да смениш нешто во начинот на кој те воспитувале, што би сменил/а?
- Опиши му ја твојата животна приказна на партнерот колку што можеш подетално во 4 минути.
- Кога би можел/а да се разбудиш утре со некој нов квалитет или способност, што би било тоа?
- Ако кристална топка би можела да ти каже нешто за твоето минато, за твојот живот, за твојата иднина или што било друго, што најмногу би сакал/а да знаеш?
- Има ли нешто за кое одамна мечтаеш да го направиш? Зошто сѐ уште не си го направил/а?
- Кое е најголемото достигнување во твојот живот?
- Што цениш најмногу во пријателството?
- Кој е твојот најдраг спомен?
- Кој е твојот најужасен спомен?
- Кога би знаел/а дека во рок од една година ненадејно ќе умреш, би сменил/а ли нешто во начинот на живот? Зошто?
- Што значи пријателството за тебе?
- Каква улога имаат љубовта и блискоста во твојот живот?
- Со партнерот наизменично кажувајте по една позитивна работа која ја гледате кај него. Кажете си по вкупно 5 работи.
- Колку блискост и топлина има во твоето семејство? Дали чувствуваш дека си имал/а посреќно детство од повеќето други деца?
- Каков е твојот однос со мајка ти?
- Кажи по 3 „ние“ реченици. На пример, „Ние чувствуваме…“
- Доврши ја реченицата: „Посакувам да имав некого со кого би делел/а…“
- Кажи му го на партнерот она што би сакал/а да го знае кога би биле блиски пријатели со него/неа.
- Кажи му на партнерот што ти се допаѓа кај него/неа. Кажувај само работи кои не би му ги кажал/а некому кого си го сретнал/а пред 5 минути.
- Со партнерот споделете некој момент од кој се срамите.
- Кога последен пат си плачел/а пред некој друг? А сам/а?
- Кажи му на партнерот нешто што почнало да ти се допаѓа кај него/неа.
- Според тебе, која тема е премногу сериозна за да би се шегувале во врска со тоа?
- Ако знаеше дека ќе умреш вечерва без никаква можност да комуницираш со кого било, дали би се каел/а затоа што не си кажал/а некому нешто? Зошто досега не си му/ѝ го кажал/а тоа?
- Твојата куќа, и сè што имаш во неа, ја зафатил пожар. Откако си ги спасил/а твоите блиски и домашните миленичиња и имаш една последна можност да спасиш уште нешто, што би било тоа? Зошто?
- Од сите членови на твоето семејство, чија смрт најмногу би те вознемирила? Зошто?
- Кажи му на партнерот за некој твој личен проблем и побарај совет како тој/таа би се справил со него.
