3-те најважни откритија во животот: 1%, племето и системот

Целиот живот е поврзан со откритија. Понекогаш откриваме работи внатре во нас, а понекогаш откриваме надворешни работи. Постојат нешта кои ги додаваме во себе со цел да станеме подобра личност, а постојат и нешта кои ги отстрануваме со истата цел. Во сите овие откритија, постојат 3 кои се најважни: 1%, племето и системот.

3-te-najvazhni-otkritija-vo-zhivotot-kafepauza.mk

1%

Многу често не сме свесни дека го бараме нашиот 1%. Кога ќе нè прашат што сакаме во животот, ние одговараме со „љубов, среќа, успех“. Но како да стигнеме до овие нешта, нам ни е непознато. За да ги достигнеме овие работи, треба да откриеме што нè мотивира. И дали знаевте дека само вие можете да откриете која е вашата внатрешна мотивација? Таа е различна за секој и важно е да отидете на едно „внатрешно патување“ со цел да го откриете она нешто кое ќе ви дава сила. Важно е да откриете кој е вашиот 1% кој ќе ви помогне да тргнете напред кон животот од соништата.

Племето

„Вие сте просек од 5-те луѓе со кои најмногу се дружите.“ – Џим Рон

Откривањето на вашата мотивација, или вашиот 1% е само првиот чекор. Кога ќе го откриете, важно е да го следите, а овде станува потешко. Можеби ќе треба да го промените вашето опкружување, или пак целосно да го промените вашето друштво. Ако се дружите со луѓе кои само ве влечат надолу и кои не ве охрабруваат да ги исполните вашите цели и соништа, ќе почнете и вие да се однесувате исто. Морате повнимателно да ги одбирате вашите пријатели и да го усогласите вашето „племе“ со вашиот 1%.

Системот

Знаете што сакате да правите. Ги имате луѓето кои ве поддржуваат. Сега ви остана уште да ја постигнете вашата цел. За ова ви е потребен системот. Системот е збир на навики и ритуали кои секојдневно ги изведувате со цел да ја постигнете вашата цел. Можеби вашите ритуали се читање, пишување, медитирање… Како и да е, овие навики ќе го подобрат вашиот живот.

Кога конечно ќе почнете да го следите вашиот 1% и ќе тргнете по патот кој е вистинскиот за вас, вашиот живот ќе се промени. Ќе го најдете вашето племе, и ќе го откриете вашиот систем. Со овие откритија ќе ги освоите сите ваши цели.

Доколку ја немате создадено вашата визија за подобар живот, откријте кои мисли ве спречуваат во тоа.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар