Претходно
11 маски за лице за беспрекорна кожа со само 2 состојки
На состојбата на нашата кожа влијаат многу фактори. Возраста, климата и стресот се само неколку од нив. За да ги спречите проблемите со кожата неопходно е да почнете да се грижите за неа од рана возраст. Ова не значи дека треба да давате многу пари за скапи креми. Можете да го трансформирате вашето лице со само 2 состојки што се наоѓаат во вашиот фрижидер.
1. Домати и сода бикарбона
Употребете сочни и свежи домати. Оваа маска содржи многу витамини. Витаминот Б9 ги отстранува акните, витаминот А се справува со сувоста, витаминот К ја отстранува пигментацијата, витаминот Х и цинкот ги регенерираат клетките на кожата. Калиумот ја навлажнува, калциумот ја омекнува, а холинот ја подмладува кожата на лицето.
Начин на подготовка:
- Исцедете еден домат.
- Измешајте го со 2 лажици сода бикарбона.
- Нанесете ја смесата на лицето и оставете да делува 10 минути.
- Исплакнете со вода.
2. Авокадо и мед
Авокадото содржи калиум, калциум, натриум, фосфор, бакар, железо, магнезиум, цинк и витамин Е. Во комбинација со мед, авокадото ја негува кожата и ја прави поеластична.
Начин на подготовка:
- Направете пире од зрело авокадо.
- Измешајте го со една лажица мед.
- Нанесете ја маската на лицето и оставете да делува 15 минути.
- Исплакнете со вода.
3. Брашно и сок од компир
За блескава кожа, измешајте брашно со сок од компир. Брашното ќе ја отстрани мртвата кожа, а сокот од компир ќе ги намали митесерите.
Начин на подготовка:
- Измешајте сок од еден компир со 6 лажички брашно.
- Нежно втријте ја смесата на кожата.
- Оставете да делува 15 минути.
- Исплакнете со вода.
4. Краставица и куркума
Сите ги сакаат козметичките продукти со краставица. Таа ја навлажнува кожата и ги намалува порите. Куркумата е природен антисептик и универзален зачин за подмладување.
Начин на подготовка:
- Сомелете една краставица.
- Додајте 1 лажичка куркума.
- Нанесете ја смесата на кожата и оставете да делува 10-15 минути.
- Исплакнете со вода.
5. Сок од лимон и папаја
Папајата е моќен антиоксиданс поради високото количество витамин А. Покрај тоа помага во отстранување на мртвите клетки и ја подмладува кожата. Сокот од лимон е одличен за темните дамки на кожата и за изедначување на тенот.
Начин на подготовка:
- Измешајте 1 лажица пире од папаја со 4 капки сок од лимон.
- Нанесете ја смесата на лицето и оставете да делува 10-15 минути.
- Исплакнете со студена вода.
Продолжува на следната страница…
