Претходно
Загатка која ќе ви го избистри умот
Пред вас има 8 топчиња, сите со иста боја и иста форма, но едно од нив е потешко од останатите седум. Од помошни инструменти имате вага со два таса, но без тегови. Како ќе одредите кое е потешкото топче само со две мерења?
Решение
Земете 6 топчиња, а останатите две ставете ги на страна. Овие 6 топчиња ставете ги на вагата, 3 на едниот тас и 3 на другиот. Ако тасовите се во рамнотежа, потешкото топче е едно од тие што сте ги оставиле на страна. Со мерењето на тие две топчиња ќе одредите кое е најтешкото топче.
Доколку еден од тасовите со 3 топчиња отежне, тоа значи дека тешкото топче е едно од тие 3. Во тој случај, ги земате тие 3 топчиња, едното го ставате на страна, а останатите две ги ставате на вагата, на секој тас по едно. Доколку едниот тас отежне, сте откриле кое е потешкото топче. Ако се во рамнотежа, тогаш топчето што го оставивте на страна е она што е потешко од останатите.
