Тест на личноста: Одберете го вашиот омилен термин и дознајте што ви се крие во потсвеста

Дали сте знаеле дека вашиот омилен период од денот може да открие многу работи за вашиот карактер? Овој краток и интересен тест на личноста ќе ви го докаже токму тоа! Одберете го времето на часовникот што најмногу ви се допаѓа и дознајте што открива тоа за вашата потсвест и личност.

Тест на личноста: Одберете го вашиот омилен термин и дознајте што ви се крие во потсвеста

1. 5.00

2. 9.00

3. Пладне

4. 17.00

5. 20.00

6. Полноќ

5.00 – Вие сте активни, полни со сила и волја

Сакате да живеете со полни гради. Многу сте активни, постојано сте во движење, љубопитни сте и отворени кон нови искуства. Не ги сакате ограничувањата од каков било тип и кога некој ќе ви постави граница, задолжително ја рушите, бидејќи ја гледате како предизвик. Сакате авантури, изненадувања, нешто ново и неповторливо секој ден. Интересни сте им на луѓето и тие сакаат да бидат во ваше друштво. Подготвени сте за акција уште во раните утрински часови.

9.00 – Вие сте независни, храбри и секогаш се следите себеси

Ја сакате слободата и знаете како да управувате со времето, бидејќи сметате дека секоја секунда е драгоцена. Имате зацртани цели кои сакате да ги остварите и храбро се стремите кон нив. Вие сте големи индивидуалисти, а сигурно криете и некаква уметничка страна. Живеете по сопствени правила и мерки, поради што честопати се соочувате со обвинувања дека сте себични од страна на другите луѓе. Не обрнувате големо внимание на туѓото мислење, бидејќи секогаш се ставате себеси на прво место.

Пладне – Вие сте практични, реални и добро урамнотежени

Вие сте практични и реални. Способни сте јасно да ги дефинирате вашите цели, приоритети, како и луѓето кои ви се важни во животот. Не дозволувате никому да ви го попречи патот кон целта. Вие сте шармантни и духовити и вашиот шарм го користите за да го добиете она што го сакате. Работата, кариерата и угледот ви се на право место, додека забавата и уживањето ги оставате во втор план. Луѓето ви се восхитуваат, бидејќи стоите со двете нозе цврсто на земја и многумина можат да сметаат на вас.

17.00 – Вие имате добро срце, мирољубиви сте и тивки

Имате големо и добро срце поради што многу лесно стекнувате нови пријатели. Љубезни сте дури и со непознати луѓе. Секогаш сте учтиви и фини. Сепак, честопати сакате да се изолирате и да уживате во сопственото друштво. Сакате да побегнете од сѐ и од сите. Потребно ви е да поминувате време во природа, бидејќи така најлесно и најбрзо си ги полните батериите. Се обидувате да воспоставите мир со самите себе и со светот. Го сакате животот и се обидувате да го искористите до максимум.

20.00 – Вие сте аналитични, совесни и одговорни

Вие сте одговорни и совесни. Грижата кон другите луѓе ви е секогаш на прво место. Многу често се занемарувате себеси и своите потреби поради останатите. Вие сте одлични психолози и многу добро ги проценувате луѓето. Луѓето ве сметаат за внимателни, грижливи и трудољубиви. Секогаш внимателно набљудувате, анализирате и вашите заклучоци се засноваат на цврсти аргументи и факти.

Полноќ – Вие сте романтични, емотивни и традиционални

Вие сте многу чувствителни, интуитивни и приврзани со луѓето кои ве опкружуваат. Честопати се обидувате да ги преземете сите грижи и проблеми на овој свет. Вие сте традиционални и семејството ви е на прво место. Секогаш сте подготвени да им помогнете на пријателите кои ги почитувате и ги сметате за дел од семејството. Лојални сте, доверливи и грижливи кон вашите сакани. Многу сте романтични и внимателни.

Доколку сте расположени да откриете уште некои интересни работи за вашиот карактер, направете го и следниов тест на личноста.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар