Претходно
Сте виделе периодов вилинско коњче? Погледнете ја пораката што тоа ја носи!
Тотемот вилинско коњче ја носи мудроста на трансформацијата и адаптацијата на животот. Како спиритуално животно, вилинските коњчиња се поврзани со симболизмот на промена и на светлина. Тоа значи дека кога ќе се појават во вашиот живот, тие сакаат да ве потсетат да донесете повеќе светлина и среќа во вашиот живот. Оние кои го имаат ова животно како тотем, имаат тенденција длабоко да ги спознаат своите емоции и да сјаат во полно светло.
Значење на вилинските коњчиња
Тие најчесто се поврзуваат со симболичното значење на трансформација. Но постојат уште неколку значења што треба да ги знаете, особено доколку често ги гледате во вашиот живот:
- Промена и трансформација
- Адаптација
- Среќа, светлина, постоење
- Длабоко спознавање на своите емоции
- Опасност за илузии и измами, како од себе, така и од другите
- Поврзаност со природата
Тотем на мудроста и промената
Вилинските коњчиња почнуваат да растат во водата и потоа се префрлаат во воздухот и летаат. Кога ова спиритуално животно ќе се појави во вашиот живот, ви дава до знаење дека треба да се трансформирате и да еволуирате. Како симбол на метаморфоза и трансформација, тоа ве инспирира да ги воведете во вашиот живот потребните промени со цел да го постигнете целосниот потенцијал.
Кога спиритуалното животно ќе се појави во вашиот живот, тоа е индикатор дека е време за промена. Исто како што вилинското коњче ги менува боите со созревањето, така и вие ќе бидете повикани да живеете и да се доживувате себеси поинаку. Останете отворени за оваа промена во вашето лично патување.
Вилинското коњче како моќно животно на адаптацијата
Вилинските коњчиња се карактеризираат со неверојатни шеми на летање, бидејќи делуваат како брзо да менуваат насоки, „лизгајќи“ се низ воздухот без никаков напор. Нивната леснотија ги инспирира оние што го имаат овој тотем да ја користат својата способност да бидат флексибилни и лесно адаптивни на секоја ситуација.
Вие можете да се повикате на ова моќно животно кога сте заглавени во одредена ситуација и имате потреба од помош за да добиете нова перспектива. Решението може да се крие во вашата способност да се справите со проблемите од сосема поинаков агол.
Симболизмот на вилинските коњчиња во светот и античките традиции
Во Јапонија, вилинското коњче е национален амблем. Тоа е симбол на радост и повторно раѓање. Во некои нативно американски традиции, тоа исто така е и симбол на душите што го напуштиле овој свет. За Маите, тоа било животното што ја претставувало божицата на креативноста, Икс Кел. Се верува и дека крилјата на вилинските коњчиња и магични песни ја оживеале кога таа скоро била убиена.
Дали вилинското коњче е вашето спиритуално животно?
Дознајте кое е вашето спиритуално животно со помош на овој интересен тест.
Научете и како да ја гледате вашата аура и како редовно да ја чистите.
