Претходно
По што се разликува паметната жена од мудрата?
Во минатото, на секоја жена ѝ било тешко да ја покаже својата независност, креативност и интелигенција од страв да не биде посрамотена и сметана за лоша домаќинка, сопруга или мајка. За среќа, времињата се променија и денес успешните и паметни жени се симбол за моќта и истрајноста насекаде во светот. Но, што е тоа што ги разликува паметните и силните жени од мудрите? Велат дека мудроста доаѓа со староста и искуството, но понекогаш таа е вроден дар кај жените кои ги знаат заборавените вредности на животот.
1. Паметната жена кога ќе пронајде грешка кај својот партнер, ќе го забележи тоа и ќе му укаже каде погрешил; мудрата жена ќе го поддржи и расположи – таа знае кога да се преправа како ништо да не забележала.
2. Паметната жена во кризни ситуации ќе ја преземе власта во свои раце и ќе ги научи блиските околу себе како да пронајдат решение и правилно да живеат; мудрата жена полека ќе им го покаже правецот, за тие да помислат дека тоа било нивна идеја и ќе ги поддржи во намерата да стигнат до целта.
3. Паметната жена ќе се обиде да ги учи децата на математика, бидејќи знае колку се важни денес бројките; мудрата жена во сите од нив пред сѐ ќе гледа една посебна личност која има различни афинитети.
4. Паметната жена на работа ќе се труди да биде најдобра и да не прави грешки, затоа што знае колку значи и вреди успехот; мудрата жена ќе направи атмосфера на љубов и топлина на нејзиното работно место и ќе го сведе натпреварувачкиот дух на минимум.
5. Паметната жена ќе биде присутна во животот на своите деца дури и кога ќе станат возрасни, ќе им дава добри совети и препораки, ќе разговара со нив и ќе им помага во воспитувањето на нивните деца; мудрата жена ќе дозволи нејзините деца да го проживеат истото животно искуство што и таа го поживеала со нив и ќе им даде поддршка во секоја ситуација.
6. Паметната жена ја брани својата независност, отворено го кажува своето мислење и се расправа со другите за да го одбрани својот став; мудрата жена ќе научи да се насмее, да ги слуша другите, да се сложи со нив и полека да ги прави работите на свој начин, со љубов.
7. Паметната жена сака да го промени светот, бидејќи знае дека промената е најважна; мудрата жена почнува да се менува прво себеси и ги прифаќа другите онакви какви што се.
8. Паметната жена смета дека е среќен оној кој е во право; мудрата жена знае дека е во право оној кој е среќен.
Zivi gluposti