Обидете се да ја решите оваа загатка: Татко и двајца синови

Татко кој е на смртна постела има два сина и мал имот, а секој од синовите поседува по еден коњ. Таткото една вечер ги викнал своите синови и им кажал:

„Синови мои, бидејќи сум на смртна постела, би сакал нешто да се договориме. Имотот кој го имам е премногу мал да се дели на половина. Токму затоа целиот имот треба да му припадне на оној кој има побавен коњ. Оној чиј коњ е побрз, не мора да добие ништо бидејќи неговиот коњ ќе му помогне доволно сам да си заработи.“

Синовите решиле да организираат трка со цел да дознаат чиј коњ е побавен, но кога соседот дал знак за почеток, ниту еден од нив не тргнал бидејќи сакал неговиот коњ да е побавниот. Токму затоа отишле да побараат совет од еден стар мудрец. Откако тој ги сослушал им дал совет како да почнат и како да ја завршат трката, без притоа да го сменат основното правило дека оној кој има побрз коњ не треба ништо да добие.

Дали знаете што ги советувал мудрецот?

[toggle_box]
[toggle_item title=”Одговор” active=”false”]

Мудрецот ги советувал да ги заменат коњите, бидејќи така и двајцата ќе се обидуваат што побрзо да стигнат до целта.

[/toggle_item]
[/toggle_box]

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.