Претходно
Научно докажано: Кои луѓе најмногу лажат?
Датум: 08 мај 2016
Коментари: 0
Лагата знае да биде многу привлечно искушение и ретко кој успеал секогаш да ѝ одолее. Сепак, постојат луѓе кои лажат повеќе од останатите. Ќе останете изненадени кога ќе дознаете кои се тие! Логично е дека манипулаторите се едни од нив, но тука спаѓаат и некои други типови луѓе.
Универзитетот во Санта Барбара, Калифорнија си поставил задача да спроведе истражување со цел да открие кои типови луѓе најмногу лажат. Еден од донесените заклучоци е дека манипулаторите се служат со лаги почесто од останатите и луѓето склони кон правење сплетки, што и не е толку чудно. Манипулаторите се луѓе кои пред сè мислат на себе, па автоматски помислуваме дека најголемите лажливци се луѓето на кои не им е гајле за другите луѓе. Но, тоа не е целосно вистина.
Имено, лажливци можат да бидат и луѓето кои премногу се грижат за другите, а она што им е најважно е какво мислење имаат другите луѓе за нив. Оваа карактеристика ги опишува луѓето кои постојано се грижат за тоа каков впечаток оставаат кај останатите.
Уште поголемо изненадување е заклучокот дека екстровертите лажат повеќе од интровертите. За да добијат што е можно поточни резултати, научниците го зеле предвид бројот на приликите кои ги имале екстровертите и интровертите да излажат (што е доста важно бидејќи екстровертите многу почесто имаат прилика да излажат со оглед на тоа што повеќе време се опкружени со луѓе), и потоа го поврзале со бројот на лагите кои ги кажале. Така дошле до заклучок дека екстровертите лажат во поголема мера од интровертните поединци.
Но, зошто екстровертите лажат повеќе од интровертните луѓе?
„Веројатно поради тоа што ситните лаги им овозможуваат секојдневните друштвени интеракции да течат полесно и поедноставно. Екстровертите честопати не се ни свесни колку лажат“, вели психологот Бела де Пауло.
Уште една заедничка карактеристика на луѓето кои многу лажат е неодговорноста. Неодговорните луѓе лажат многу повеќе од одговорните и организираните луѓе.
