Претходно
Наставничка споделила фотографии од ранчето кое еден татко го направил за својот син за да заштеди пари
Образованието е важен дел од животот на еден човек и игра круцијална улога за иднината на едно дете. Сепак, според Обединетите нации, дури 60 милиони деца во светот не се во училишните клупи. Главната причина за ова е сиромаштијата. Многу од овие деца, наместо да одат на училиште, работат за да им помогнат на своите родители.
Неодамна, една наставничка од Камбоџа споделила фотографии од нејзин ученик и неговото ранче, кое го направил неговиот татко за да заштеди пари. Ова е доказ дека до оние работи кои ние ги земаме здраво за готово, на некои луѓе им е многу тешко да дојдат.
Кога петгодишното момче почнало да ги посетува часовите, наставничката не можела, а да не го забележи специфичното ранче. Во овој регион, едно ранче од продавница чини 7 долари и многу родители не можат да си ја дозволат оваа сума, иако е мала. Но, овој татко бил неверојатно креативен и од рафија сплел прекрасно сино ранче.
Набргу откако фотографиите биле споделени, родители од целиот свет почнале да ја изразуваат својата поддршка за таткото, а некои од нив веруваат дека тој би можел да направи многу за своето семејство доколку почне да продава вакви ранчиња онлајн.
Прочитајте ја инспиративната приказна за еден учител-херој од Индија кој обезбедува образование за сиромашните деца.
