Најверните раси кучиња

Најверните раси кучиња

Кучињата умеат одлично да се социјализираат со луѓето и да се приврзат кон нив. Со кучињата делиме заедничка потреба за друштво, наклонетост и верност и затоа можеме со нив да формираме силни врски кои траат додека сме живи. Овде избравме неколку раси кои најлесно се приврзуваат кон луѓето и остануваат верни, иако секое куче може да биде најлојалното на светот ако е третирано како дел од семејството.

Шкотски овчар

Филмовите со Леси направија легенда од шкотскиот овчар, но неговиот углед е сосема заслужен. Тој е едно од најинтелигентните кучиња, многу се приврзува за сопственикот и секогаш е пријателски настроен кон децата. Него го краси смиреност и индивидуалност. Никогаш не му здодева човечко друштво.

Најверните раси кучиња

Германски овчар

Германскиот овчар има репутација на опасно куче поради тоа што се користи во полициските акции благодарение на неговата интелигенција. Претпазлив е кога пред него ќе се појави странец и може да го заплаши. Но, штом еднаш запознае некој, со него ќе формира силна врска која ќе трае додека е жив. За да дојде до израз неговата добра страна, неопходно е да биде добро дресиран.

Најверните раси кучиња

Лабрадор ретривер

Лабрадор ретриверот е најпопуларен од семејството на лабрадори, меѓу другото поради неговата исклучителна верност. Лесно ја освојуваат околината со својот жив темперамент, бескрајна енергија, интелигенција и пријателски однос кон децата. Многу е добар со луѓе, но ако неговиот сопственик е нападнат, нема да се колеба да го одбрани.

Најверните раси кучиња

Бретански шпаниел

Бретанскиот шпаниел знае да заврши одлична работа кога оди во лов на птици, но тој исто така е еден од најдобрите другари на човекот. Многу се лојални, лесно се учат на добри навики и обожаваат да се галат.

Најверните раси кучиња

Мастиф

Масивниот мастиф има застрашувачки изглед, но тоа не зборува ништо за неговиот карактер. Тој всушност, е еден нежен џин којшто е пријателски настроен кон сопственикот, одличен е кон децата, а знае да се спријатели и со помали кучиња од другите раси.

Најверните раси кучиња

Боксер

Боксерот важи за куче со кое тешко може човек да излезе на крај, но тоа се однесува само на оние кои претставуваат опасност за неговиот сопственик. Инаку се работи за куче кое лесно се дресира, многу сака да си игра на отворен простор и со луѓето што ги познава.

Најверните раси кучиња

Златен ретривер

Златниот ретривер спаѓа во оние кучиња кои секој сака да ги види како му трчат во дворот. Секогаш е добро расположен и добро се однесува со сите. Децата го обожаваат поради постојаната желба да си игра и да се гали.

Најверните раси кучиња

Бернардинец

Огромниот бернардинец делува застрашувачки и затоа многумина го чуваат дома за да ги исплаши евентуалните натрапници. Но, кога станува збор за односот со сопствениците, тој е прекрасно куче. Секогаш се труди да им угоди, а знае да си игра и со деца.

Најверните раси кучиња

Кувас

Лојалноста на оваа раса со потекло од Унгарија, доаѓа оттаму што тој нема да се колеба да го одбрани својот пријател дури и кога е нападнат од крволочно животно. Кога не е соочен со ваков предизвик, сака да си игра и да трча на отворен простор.

Најверните раси кучиња

Бигл

Оние кои од своето куче не бараат да го чува домот од натрапници, можат слободно да вдомат бигл. Тоа куче толку е многу пријателски расположено, што се однесува добро дури и кон оние што првпат ги гледа. Се труди на секој начин да му причини задоволство на сопственикот и одлично реагира на деца.

Најверните раси кучиња


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

  1. Игор Reply

    Ќе имам ли некогаш бе лабрадор ретривер?

  2. Анонимен Reply

    zaboravi za sharplaninecot

Остави коментар