Мудроста на Карлос Кастанеда: Како да мислите без зборови?

Тишината е премин помеѓу световите. Кога нашиот ум е замолчен, незамисливи аспекти од нашето битие испливуваат на површина. Од тој момент, личноста почнува да ги пренесува сопствените намери и нејзиното делување создава моќ.

За време на моето учење, учителот ми покажуваше необјасниви подвизи кои ме плашеа, но истовремено ја поттикнуваа мојата амбиција да бидам исто толку моќен колку него. Често го прашував како да ги научам неговите трикови, но тој само ќе ставеше прст на уста и ќе зјапаше во мене.

Ми требаа години за да почнам да ја ценам величествената лекција на неговиот одговор: Клучот на мистиката и духовност лежи во тишината. Ако се прашувате дали овој концепт може да се дефинира, одговорот е не, не може да се дефинира.

Кога го вежбате, тогаш го перципирате. Ако се обидете да го разберете, ќе го блокирате. Немојте да го гледате како нешто комплицирано или тешко, бидејќи тоа не е нешто од некоја друга планета. Тоа е само замолчување на вашиот ум.

Би можел да ви кажам дека тишината е како пристаниште во кое мируваат бродовите. Но, ако пристаништето е зафатено, нема да има место за ништо ново! Така би изгледала мојата визуелна претстава, но вистината е дека јас не знам како да зборувам за тоа.

Внатрешната тишина не е само недостаток на мисли. Станува збор за прекин на пресудите, за сведочење без интерпретација. Внатрешната тишина може да се објасни на контрадикторен начин како „мислење без зборови“.

За многумина од вас, ова што го зборувам нема никаква смисла, бидејќи навикнати сте да се консултирате со вашиот ум за сѐ и сешто. Иронично е тоа што нашите мисли воопшто не се наши. Тие излегуваат од нас во звучна форма, но тоа е нешто сосема друго. Со оглед на тоа што нашите мисли се присутни уште од моментот кога сме почнале да го користиме разумот, сите ние сме стекнале навика да живееме во присуство на нашите мисли.

Јас не ви советувам да се обидете да го докажувате она што е мистично и духовно, бидејќи вашиот ум ќе ви нареди да се скриете зад цврстиот ѕид на интерпретацијата. Доколку сакате можност за духовен развој, постои само еден начин да стигнете до тоа: Исклучете го умот!

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?