Претходно
Можете ли да ги разликувате стравот и интуицијата? Телото ви испраќа јасен сигнал
Анксиозноста и интуицијата се сосема различни состојби на умот и на телото. Интуицијата потекнува од мирна и промислена состојба која не е емоционална, а вознемиреноста предизвикува нервоза. Кога ќе сфатите како навистина изгледа интуитивната состојба, веднаш ќе можете да ја забележите разликата.
Што е страв, а што интуицијата?
Интуицијата потекнува од смирена и промислена состојба која не е емоционална и затоа е објективна кон енергијата или кон пораките. Да ѝ верувате на вашата интуиција е процес на самопознавање. Анксиозниот страв е вибрирачка, небалансирана сила што ве прави нервозни, а вашето срце чука неконтролирано.
Многумина ја мешаат интуицијата со стравот кога се обидуваат да добијат одговор на нешто за што веќе се под стрес. Но, кога веќе сте под стрес поради некој проблем, ќе го проектирате тој страв на сè друго околу вас.
Да речеме дека не знаете дали вашиот договор за работа ќе биде обновен. Ова е многу стресна ситуација. Вашиот живот зависи од работата, работата зависи од односот што го имате со шефот, па така, вие сте оправдано исплашени. Се движите наоколу 24/7 размислувајќи дали му се допаѓате на вашиот шеф или не. Дали ќе ве задржи врз основа на вашите работни перформанси? Дали фаворизира нова личност затоа што е помлада, дури и ако е помалку квалификувана?
Не можете да престанете да размислувате за тоа. Се чувствувате вознемирено и ви треба одговор или решение за повторно да се чувствувате сигурно. Потоа, во текот на таа загриженост, во главата „гледате“ некој нов што седи на вашето биро и сте сигурни дека ќе ве заменат. Отчукувањата на срцето се зголемуваат уште повеќе и целосно верувате дека сте во право.
Ова веројатно не е вистинска интуиција. Премногу сте се навлекле во вртлог од страв, вознемиреност и нереални проценки и ви е тешко да останете објективни.
Како да разликувате што е интуиција, а што е страв?
Тоа го знаете од вашиот ум и од вашето тело. Знаете по емоциите што доаѓаат со тоа.
Прецизната интуиција ќе изгледа вака: перете алиштата и размислувате што ќе правите за вечера. Ви доаѓа мисла дека некоја личност седи на вашето биро на работа. Можете да ја опишете до најмалите детали. Кога ја гледате таа личност, немате емоции. Таа мисла помина и вие продолжувате да перете алишта. Десет часа подоцна ви доаѓа истата мисла додека одите во аптека. Сè уште нема емоционална реакција, туку зголемена љубопитност. Тоа е интуиција. Сега можете подетално да ја опишете личноста што сте ја виделе. Ќе почнете да сфаќате која е и зошто е таму. Можеби имате право – некој седи на вашето место. Но, визијата не значи дека ќе добиете отказ.
Вистинската интуиција доаѓа кога не сте фокусирани на личноста или на проблемот. Тоа е копнеж.
Стравот и вознемиреноста предизвикуваат опсесија, избегнување и претерување. Интуицијата доаѓа од смирена внимателност. Сето тоа е нијансирано, јасно и суптилно. Ако не сте сигурни дали можете да верувате во себе, проверете ги отчукувањата на срцето, смирете го здивот и бидете искрени. Точните интуитивни информации нема да предизвикаат поголема вознемиреност.
За да ги слушнете и да ги цените вашите интуитивни насоки, треба да се позанимавате со потеклото на стравот и на вознемиреноста за да дојдете до вистинската интуиција.
Прочитајте како да ја истренирате интуицијата и да ги предвидите работите кои ќе ви се случат.
