Претходно
Инспирирано од Инстаграм: Оригинални начини за складирање на шминката
Датум: 16 мај 2016
Коментари: 0
Иако изработката на една ваква комода бара големо парично вложување, не можеме, а да не ја спомнеме. Исто како мала парфимерија, вашата шминка секогаш би била уредно подредена и организирана.
Она што секоја од нас може да го направи е да купи поголеми или помали пластични кутии без поклопец и да ги нареди во фиоката во бањата. Во нив може да ја чувате шминката која поретко ја користите, но затоа пак, во секој момент ќе знаете кој производ каде ви се наоѓа.
Малите полици се одлични за држење на шминката која секојдневно ја користите, за секој ваш омилен производ да ви биде на дофат.
Ова креативно решение е одлично за чување на мали мејкап производи, како што се кармините или лаковите за нокти. Задолжително купете „организатор“ кој е направен од провиден материјал, за да можете во секој момент да го најдете бараниот производ.
Доколку сте посебно креативни, еве уште една оригинална идеја за вас. Садовите за коцки мраз и свеќниците исто така, може да ви послужат за уредно чување на шминката.
