Претходно
Доброто, лошото и грдото кога си цимер со твоите НАЈДОБРИ ПРИЈАТЕЛИ
Дваесеттите години се најверојатно и најзабавните години. Особено ако живеете со цимери, со кои ги делите истите проблеми. Но, како би ви изгледал животот ако цимерите ви се всушност вашите најдобри другар(к)и?
Еве ги добрите, лошите и грдите страни во разни ситуации доколку сте цимери со вашите најдобри пријател(к)и.
Фрижидерот
Доброто: Ретко пазарите во маркет за да оставите доволно простор за производите на другите.
Лошото: Го/ја гледате цимерот/ката како секојдневно готви, се чувствувате лошо поради својата мрза.
Грдото: Во два часот по полноќ сте мртви гладни и ја јадете храната на цимерите молејќи се да не ве забележат.
Спиење
Доброто: Секогаш имате со кого да се стуткате на каучот.
Лошото: Секогаш се наоѓа некој пијан да дојде и да ве гушка.
Грдото: Попрво би спиеле со другарот/ката, отколку со партнерот.
Туширање
Доброто: Имате совршен распоред за туширање кој се вклопува во сите останати ваши навики.
Лошото: Викенд е, треба да се истуширате, но постојано ја одолговлекувате работата сè до последниот миг кога веќе сте четворица кои треба да се истуширате.
Грдото: Никој не сака да го исчисти одводот преполн со влакна, па морате да стоите во када на висина до 10 см полна со вода поради тоа.
Пиење
Доброто: Дури и да треба малку да се убедувате секогаш си наоѓате партнер за пиење.
Лошото: Вие меѓусебно се бодрите и немате никаков проблем да поделите уште едно шише алкохол помеѓу вас или да испиете по уште едно пиво.
Грдото: 3 по полноќ е и имате трка кој ќе успее да јаде најдоцна. Но, никој не победува во оваа ситуација, особено не вашето тело.
Мамурлаци
Доброто: Меѓусебно ќе се разбудите, а потоа ќе се жалите едни на други за минатата вечер.
Лошото: Никој од вас нема намера да оди да купи лиснати од пекара.
Грдотo: Ќе се најдете себеси паднати во тоалетот додека цимерот/ката повраќа во мијалникот.
Чистење
Доброто: Работните обврски се делат подеднакво на сите цимери.
Лошото: Да бидеме искрени, никој не сака да чисти.
Грдото: Сите забораваат да стават тоалетна хартија, па често мора да бидете креативни за да можете да станете од шолја.
Останување дома
Доброто: Многу е полесно некого да убедите да остане дома, отколку да излезе.
Лошото: Дома се опијанувате до крај. Што ќе беше пак ако излезевте?
Грдото: Ви се темни, ќе го фатите каучот, но толку лошо ќе спиете што ќе беше многу подобро да излезевте.
Плакарот
Доброто: Колку повеќе цимери, толку повеќе алишта.
Лошото: Никогаш не знаете каде се вашите работи.
Грдото: Брзате за на работа и тек откако ќе седнете во канцеларија сфаќате дека имате огромна дамка од црвено вино на вашата блуза.
Гледање телевизија
Доброто: Секогаш имате со кого прекумерно да гледате ТВ серии.
Лошото: Има само еден телевизор, па затоа шансите за конфликт се поголеми.
Грдото: Поминаа 8 саати кога конечно сфативте дека ништо друго не сте ни правеле.
Излегување
Доброто: Секогаш имате некој кој ве поддржува и се подготвува со вас.
Лошото: И да не сакате да излезете, ќе подлегнете на притисокот од пријателите.
Грдото: Ако некој од вас сака порано да си оди дома затоа што се чувствува лошо, имајте предвид дека „влечкате“ уште еден со вас.
Гости кои преноќуваат
Доброто: Колку повеќе, толку подобро!
Лошото: Постојат големи шанси да не спиете долго, поради бучниот секс во соседната соба.
Грдото: Во најдобар случај, во вашата бања неочекувано ќе видите полов орган.
Тоалетот
Доброто: И да ви снема капки или гел за коса, знаетe дека имате од кого да земете.
Лошото: Колку повеќе женски го делат тоалетот толку помалку има простор за да ги сместат над 100-те продукти за убавина.
Грдото: Дали веќе спомнавме дека влакната претставуваат проблем за одводот?
Лични граници
Доброто: Нема.
Лошото: Нема.
Грдото: Нема.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
