Претходно
11 креативни видео игри кои се одлични за релаксирање
7. Splatoon
Кога ја правеле играта, од Нинтендо сакале да направат детска верзија од игрите со убивање. И успеале во тоа. Вие сте во улога на дете кое сака да ја покрие мапата од играта со мастило заедно со своето друштво. Иако е правена за млади играчи, во оваа игра може да ужива секој.
8. Thomas Was Alone
По само половина час, емоционално ќе се поврзете со играта. Оваа игра успешно создава емоционална резонанса користејќи ништо друго освен наратор полн со ентузијазам и музика. Приказната е раскажана низ многу интересна загатка. Иако звучи чудно, вреди да ѝ дадете шанса и на оваа игра.
9. Braid
Во оваа игра вашата цел е да му помогнете на заљубениот херој да ја спаси својата принцеза. Можете да го манипулирате времето, да се движите низ насликани мапи и да ги поправате грешките додека ја менувате околината. За да ја завршите целата игра ќе ви бидат потребно само неколку часови, но играта ќе им остави впечаток и на најискусните гејмери. Во последното ниво играта ја користи својата механика на навистина уникатен начин. Креативноста во Braid нема да ја најдете во друга видео игра.
10. Hohokum
Оваа игра е тешка за опишување. Играте како змија која лета низ магични светови и им носи радост на сите околу неа. Играта е вистински рај за очи. Покрај тоа нема поени, нема непријатели, туку единствената цел е да ги истражите сите 17 уникатни светови додека другите ликови од играта се качуваат на вас. Играта е навистина чудна, релаксирачка, збунувачка, но и неверојатна.
11. Rocksmith
Играва е како кога Guitar Hero би се играла на вистинска гитара. Замислете си да ја свирите „Free Bird“ на играта, а потоа да земете вистинска гитара и да можете да ја свирите и на неа. Играта има огромна библиотека со песни и мали игри кои ви ги покажуваат основите на свирењето и музичките скали. Ова е одлична забава за сите гитаристи без разлика на нивното познавање на инструментот.
Ако сакате пак добро да се исплашите, погледнете некои од најстрашните видео игри на сите времиња.
