Мал робот го поминува денот пишувајќи оригинални поеми во песокот

Иако вештачката интелигенција е развиена за да го подобри животот и технолошките изуми, некои дизајнери создаваат роботи со вештачка интелигенција за забава. Во оваа категорија спаѓа и малиот робот чија цел е да пишува поеми во песокот.

(1)mal-robot-pishuva-poemi-vo-pesokot-kafepauza.mk

Овој робот е дизајниран од Јукси Лиу за нејзината дипломска работа на Универзитетот во Единбург. Малото роботче се движи на 4 тркала и има сензор кој му го олеснува движењето низ песокот. Користејќи анемометар (направа која ја мери брзината на ветерот) како антена, роботот ги забележува разните природни фактори и потоа ги внесува во својот систем.

(2)mal-robot-pishuva-poemi-vo-pesokot-kafepauza.mk

Користејќи вештачка интелигенција, роботот ги користи овие записи за да создаде поеми кои ги пишува во песокот. Вокабуларот на роботот е програмиран и се користат основните граматички правила. Сепак, прозата е на роботот и тој има слобода да ја користи како сака. „Поетот на брегот“ е дел од серијата која ја создала Лиу и е наречена „Јас, машина“. Таа го истражува чувството, социјалноста и моралот на машините.

(3)mal-robot-pishuva-poemi-vo-pesokot-kafepauza.mk

Според Лиу, роботот сака да го гледа морето, да го слуша звукот на брановите, шумот на ветрот, детскиот џагор и пеењето на птиците. Поголемиот дел од времето го поминува сам за да слуша и да чувствува. Понекогаш пишува стихови на песокот и гледа како брановите ги бришат.

Погледнете го и овој неодолив робот кој ќе ви помогне да стекнете позитивни навики.



САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар