Оризовите галети се враќаат на „бис“

Оризовите галети се враќаат на „бис“

Тие доживеаја бум во многу диети во 1980-тите и 90-тите години, поради ниското ниво на калории кое го содржат, а денес повторно се враќаат во полн сјај, како нискокалорична, здрава ужинка. Не содржат масти, а содржат хранливи материи што даваат чувство на ситост. Тие се најчесто направени од кафеав ориз, што е житарка со цели зрна, полна со хранливи влакна, јаглени хидрати и антиоксидансни фитохемикалии кои помагаат да ги зачувате вашите клетки здрави.

Секој нутриционист, за оптимално здравје,  препорачува диета која содржи разновиден свеж зеленчук, овошје, посно месо, нискомаслени млечни производи и цели зрна. Оризовите галети многу убаво и природно се вклопуваат во ова здраво мени па затоа тие можат да играат важна улога во вашата исхрана. Како закуска, можете да ги комбинирате со некој лесен намаз, путер од кикирики, хумус и што сè не. Бидејќи тие функционираат добро како замена за леб зошто да не ги користите и за сендвичи?

Ова се само некои од бенефитите на оризовите галети:

Полни се со јаглехидрати  кои се извор на енергија за телото. Енергија која е потребна за согорување на калориите, кога телото изведува активности како што е спортот.

Богати се со железо кое служи да им помогне на црвените крвни клетки полесно да го врзуваат кислородот и со тоа да ја спречат анемијата.

Содржат калциум кој е добар за коските и ја спречува остеопорозата.

Помагаат во одбрана на слободните радикали поради присуството на Селен кој е суштински минерал, потребен на телото. Тој делува како антиоксиданс во телото за да ги заштити клетките од оштетување предизвикано од слободните радикали. Селенот исто така ја регулира активноста на тироидните хормони и им помага на крвните садови да функционираат исправно.

Содржината на витамин Б6 во оризовите галети може да помогне во регулирањето на апетитот, а исто така и расположението. Во поголеми дози, витаминот Б-6 може да ги ублажи симптомите на предменструалниот синдром.

Оризовите галети се добар извор на пробиотици кои ја хранат цревната флора со добри бактерии што се неопходни за подобар имунолошки систем. Покрај тоа, содржината на цинк во галетите исто така игра важна улога кога станува збор за подобрување на имунитетот.

Доколку ви се здодевни да ги јадете сами, пробајте некоја од овие идеи:

  • Оризови галети со исечкани варени јајца.
  • Оризови галети со путер од кикирики и исечени јагоди или банани (можеби и преплавени со малку мед)
  •  Оризови галети  со урда, лосос и зачини.

Додека експериментирате со оризовите галети и нивната бескрајна примена во кујната, уште еднаш ќе се уверите дека тие никогаш нема да излезат од мода.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар