Најголемиот визионер меѓу хороскопските знаци: Од ништо знае да направи нешто спектакуларно!

Тој е најуспешниот ловец на соништа кој благодарение на неговите позитивни вибрации ги привлекува луѓето околу себе и ги воодушевува со неговата умешност да направи работите да изгледаат поневеројатни одошто навистина се. Станува збор за немирниот Стрелец.

Најголемиот визионер меѓу хороскопските знаци: Од ништо знае да направи нешто!

Стрелецот има големи соништа и ништо не може да ја сопре неговата фантазија. Припадниците на овој знак знаат да го препознаат потенцијалот на секоја можна ситуација. Без оглед на тоа во колку лош период се наоѓаат, тие ќе измислат еден куп сценарија за да ги свртат работите во нивна корист. За многумина нивните идеи делуваат апсурдно и недостижно. Но, и покрај тоа Стрелците живеат на свој начин. Тие не се грижат за туѓото мислење. Кога ќе најдат нешто што ги инспирира, тие се посветуваат на тоа со целото свое битие.

Визијата е таа што го буди духот на Стрелецот. Таа го инспирира и ја храни неговата душа. Интересно е тоа што нему не му е важен крајниот резултат. Постигнувањето на целта никогаш не е приоритет за него. Тој бара авантура. Спонтаноста е дел од неговата личност и постојано го менува текот на работите. Стрелецот ја обожава возбудата предизвикана од откривањето на непознатото.

Честопати се вели дека Стрелецот најмногу од сѐ сака да патува, но постојат многу припадници на знакот кои го негираат тоа. Него најмногу го возбудува набљудувањето на светот што го опкружува. Светот е неговото игралиште исполнето не само со места, туку и со луѓе и идеи.

Стрелците си одат ако им стане здодевно. Тие мразат повторувања и рутина. Доколку некогаш заглават на место каде што не можат да ги променат правилата на играта, нивниот оптимизам стивнува. Слободата е она што им е најпотребно. Тие никогаш не смеат да се почувствуваат како да се заробени во кафез. Стрелците се вистински истражувачи на кои им е потребен голем простор за да дишат слободно и да талкаат низ светот.

Најголемиот визионер меѓу хороскопските знаци: Од ништо знае да направи нешто!

Што се однесува до љубовта, Стрелците се многу комплицирани особено кога станува збор за сериозни љубовни врски. Вистината е дека самата помисла на врзување создава мачнина кај Стрелецот. Тоа не значи дека тој не е способен за сериозна врска, туку само дека му е потребна голема слобода. Некои луѓе се подготвени да му го пружат тоа, додека, пак, некои не можат. Клучот од срцето на Стрелецот се крие во способноста да му се даде доволно простор за повремено бегство. Доколку му е дадена таа можност, тој секогаш ќе се враќа кај саканата личност и никогаш нема да го напушти домот.

Уште еден важен елемент кој има големо влијание на квалитетот на врската со припадник на овој знак е визијата. Стрелецот сака кога може слободно да разговара за неговите соништа и тоа е единствениот начин на кој би можеле длабоко да се поврзете со неговото срце.

На Стрелецот му е потребен некој кој ќе го сослуша и кој ќе верува во него. Само покрај таква личност ќе се чувствува исполнето. Дајте му можност на неговиот дух да лета и ќе ја почувствувате неговата неизмерна љубов.

За авторот
Писателот во нејзината глава вели: Дај ми англиска книжевност. Дај ми урбан апсурд и егзистенцијализам. Дај ми мистерии за човечката психа. Дај ми театар и џез како терапија.

Поврзани содржини

Остави коментар