Хороскопот открива зошто немате среќа во љубовта

Понекогаш чувствувате дека навистина немате среќа во љубовта, а не знаете како да ги смените работите. Причината најчесто лежи во вас, во вашиот карактер и во начинот на кој ги гледате и доживувате работите околу вас. Прочитајте што открива хороскопот за тоа кои се најчестите причини поради кои едноставно не можете да го најдете совршениот партнер.

(1) Хороскопот открива зошто немате среќа во љубовта

Овен

Овенот е склон кон чести промени на расположението и е познат по брзата избувливост. Наместо да се обидат да ги решат проблемите во врската, родените во овој знак најчесто ги игнорираат своите партнери. Овните се познати како лидери и можат да станат агресивни доколку забележат дека повеќе не се на врвот од пирамидата.

Бик

Родените во овој знак не се согласуваат на компромиси. Тие не попуштаат дури и тогаш кога не се во право. Тие не сакаат да се заморуваат со проблемите во врската. Го мразат чувството на несигурност и поради тоа прекинувањето на врска со Бик, понекогаш знае да биде вистински пекол. Сакаат да бидат вклучени во сè, а ако забележат дека партнерот/партнерката не им обрнува доволно внимание, ставаат крај на комуникацијата.

Близнаци

Поради нивниот темперамент, многу е тешко да се предвиди следниот чекор на родените во овој знак. Многу тешко донесуваат одлуки, особено ако имаат временско ограничување. Близнаците мразат рутина и многу брзо им досадуваат работите. Затоа, тие секогаш бараат нови предизвици, а тоа носи одредена нестабилност во врската со нив.

Рак

Родените во овој знак имаат проблеми со посесивноста кога е во прашање животот на партнерот/партнерката. Имаат проблем во наоѓање вистинска љубов затоа што сакаат да ги контролираат своите партнери, што често доведува до одредени судири. Но, доколку нештата тргнат надолу и тие ја изгубат контролата над работите, едноставно се предаваат.

Лав

Лавовите можат да бидат многу егоцентрични и себични, поради што ги одбиваат партнерите од себе. Нивната надменост може да прерасне во проблем доколку не се чувствуваат доминантни во врската. Наместо да ги решаваат проблемите, тие го вртат грбот и го игнорираат партнерот.

Девица

Родените во знакот на Девица се многу критички настроени кон себеси и кон другите, и поради тоа многу често сметаат дека не заслужуваат квалитетна врска. Ако најдат соодветен партнер, потсвесно се обидуваат да ја саботираат врската, затоа што постојано ги мачи мислата дека не се доволно добри. Тие даваат големо значење и на најмалите негативни коментари, поради што тешко можат да се вклопат во совршена врска.

Вага

Вагата е крал на избегнување на судирите и родените во овој знак се подготвени да одат далеку, преправајќи се дека сè е во ред со нивната врска. Но, кога нештата ќе испливаат на површина и повеќе нема да може да ги затвора очите пред проблемите, Вагата избувнува во голема лутина што предизвикува големо изненадување и разочарување кај партнерот.

Скорпија

Големата страст што ја поседуваат родените во овој знак, во одредени ситуации е предност, но во други може да предизвика големи проблеми. Таа страст може да прерасне во агресивност и љубомора. Скорпиите тешко можат да ги разберат неискрените луѓе, иако многу често и тие самите знаат да бидат многу таинствени.

Стрелец

Родените во знакот на Стрелец ветуваат кули и градови кога е во прашање љубовта, но тоа подоцна може да им предизвика големи проблеми. По природа се многу отворени и ќе направат сè да ја остварат својата идеја. Не сакаат обврски и поради тоа често ги напуштаат своите партнери. Постојано се во потрага по авантура и нови предизвици.

Јарец

Јарците се најголемите „сезнајковци“ и со тоа многу брзо можат да го изнервираат својот партнер. Секогаш се подготвени на најлошите сценарија во врската и поради тоа тешко можат да се опуштат.

Водолија

Водолиите се можеби емотивно најмистичните личности и поради тоа е многу тешко да бидат сакани. Во врската им е потребна личност што секогаш ќе биде на нивна страна, а оној момент кога тоа ќе се смени и ќе почувствува дека нема 100 процентна поддршка, Водолијата става крај на врската.

Риби

Рибите влегуваат во врските со огромна доверба кон своите партнери и поради тоа не ги забележуваат сите недостатоци кај нив. Потребна им е личност која секогаш ќе ги истакнува нивните квалитети и ќе избегнува да ги споменува недостатоците. Ако почувствуваат критички поглед, веднаш влегуваат во улога на жртва, а тоа ја уништува нивната врска.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Книжевник, новинар, сонувач... Го обожува утринското кафе без шеќер. Верува дека убавите нешта се кријат во мали и едноставни пакувања.

Поврзани содржини

Остави коментар