Претходно
Хороскопот открива: Која слабост го спречува секој знак за да најде вистинска љубов?
Никој од нас не е совршен и сите ние имаме свои маани, а понекогаш токму тие и нè спречуваат во остварување успешни љубовни врски. Во продолжение прочитајте кои се вашите маани и слабости што ви стојат на патот до вистинската љубов.
Овен – експлозивен карактер
Кога ќе ги прашате другите знаци по што е познат Овенот, тие најверојатно би ви го кажале истото – краток фитил. Токму нивната неможност да седат мирно и без вознемирување да ги погледнат ситуациите од сите страни го претставува нивниот најголем проблем во љубовта.
Бик – тврдоглавост
Ќе биде така како што Бикот ќе ви каже и точка. Меѓутоа љубовта не е доминација, таа пред сè е компромис и заедништво. Смирете ја својата гордост и признајте каде сте згрешиле. Само така ќе го развиете разбирањето што е неопходно за љубовната врска.
Близнаци – неодлучност
Можеби би помислиле дека ова е проблемот што ги мачи Вагите, но кога е во прашање љубовта, неодлучноста најмногу го комплицира животот на Близнаците. Ако барате вистинска љубов, тогаш едноставно мора да одлучите што (не) сакате од вашиот партнер.
Рак – несигурност
Ракот љуби со целото срце, па кога ќе почувствува дека не му се возвраќа со истата мера, станува несигурен. Со таа несигурност доаѓа и сомневањето, како и недостатокот на довербата во личноста со која е во врска.
Лав – секогаш на прво место
Сите ние мораме да се сакаме себеси, но Лавот знае и малку да претера со таа љубов па постојано се става себеси на првото место и целосно ги запоставува останатите.
Девица – затвореност
Срамежливите и затворени Девици не сакаат да запознаваат нови луѓе, но како ќе ја остварите љубовната врска ако воопшто не ѝ дадете шанса да ја доживеете?
Вага – самосожалување
Улогата на вечна жртва никогаш не носи нешто добро. Самосожалувањето не е погонско гориво за љубовната врска, баш напротив, тоа ќе ве оддалечи од потенцијалниот партнер многу побрзо одошто мислите.
Скорпија – хроничен недостаток на доверба
Страсните Скорпии од партнерот постојано очекуваат потврда за љубовта и докажување на верноста. Таа потреба произлегува од недостатокот на доверба што не знаат или не сакаат да го изградат од нивна страна.
Стрелец – нетрпеливост
Постои една стара поговорка што вели дека добрите нешта им доаѓаат на оние што чекаат, па затоа и Стрелецот мора да има сè, особено во љубовта. Потребно е да забавите малку и да го намалите интензитетот на желбите на почетокот на врската за да не ја исплашите другата страна.
Јарец – очекување на најлошото
Кога Јарецот еднаш ќе се разочара, никогаш повторно не верува. Овој знак дува и на ладно, дури и кога нема потреба за тоа. Можеби еднаш се изгорел, но тоа не значи дека со секоја наредна личност ќе го доживее истото.
Водолија – недостаток на емотивност
Без јасно изразување емоции не постои квалитетна долготрајна врска. Отворањето на срцето на нова личност не е лесно, но е неопходно ако навистина сакате да пронајдете вистинска љубов.
Риби – страшливост
Исто како и Девицата, така и Рибите се затворени и не сакаат да ризикуваат. Но, ќе се изненадите каде сè може да ве одведе животот ако храбро зачекорите кон љубовта која ја сонувате.
