Претходно
Хотел Le Royal Monceau, разгалувач на сите сетила
После две години интензивно реновирање и работа, еден од најпрестижните хотели во Париз „Le Royal Monceau – Raffles Paris“ ги отвори вратите за своите гости на 18 октомври, откако беше затворен во јуни, 2008 година. Со соби и приватни апартмани, ресторани и барови, спа центар, 3D кино сала, соба за деца и елитен бутик, реновираниот париски хотел е еден од најубавите и најтренди хотели во Париз.
Дизајнерот Philippe Starck, по нарачка од Qatari Diar и Alexandre Allard, целиот хотел комплетно го трансформираше во рок од две години и го реновираше, со што му вдахна дух на прв хотел во новата генерација на париските места.
Хотелот Le Royal Monceau првпат бил отворен во 1928 година, со што веднаш станал омилено прибежиште на уметници и интелектуалци. Парижаните и странците ги обожавале градините, интимниот бар, собите покрај мостот, масите за пинг-понг и за билијард, како и фризерскиот салон.
Што се однесува до приватните апартмани, во нив се одвивале некои важни историски настани, социјални и економски средби. Низ ходниците се разминувале познатите: Josephine Baker, Maurice Chevalier, Ernest Hemingway and Mistinguett.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
