Колач од стар леб за оние на кои денес не им се излегува од дома
Фин десерт кој можете да го направите од стар леб и состојки кои сигурно веќе ги имате во вашата кујна
Потребни состојки:
- 6 парчиња леб кој е стар 1 или 2 дена
- 2 лажици стопен путер
- 50 грама суво грозје
- 4 јајца
- 400 милилитри млеко
- 100 грама шеќер
- 1 лажичка мелен цимет
- 1 лажичка екстракт од ванила
Начин на подготовка:
Загрејте ја рерната на 175 степени. Искршете го лебот на мали парчиња и ставете ги во сад за печење. Преку нив прелијте го стопениот путер и ставете го грозјето. Во сад со средна големина измешајте ги јајцата, млекото, шеќерот, циметот и ванилата. Мешајте сè додека сите состојки не се спојат. Прелијте ја смесата над лебот и со помош на виљушка притиснете го лебот надолу, со цел целосно да биде прекриен со смесата. Печете околу 45 минути.
Дополнителен совет:
Овој колач може да се испече и во индивидуални керамички садови за суфле, кои ќе ви го олеснат служењето. Можете да декорирате со свежо овошје.