Сутлијаш со јаболка и цимет

Верзија на сутлијашот која не сте ја пробале до сега

Потребни состојки:

• една шолја ориз
• 3 шолји млеко
• 2 јаболка, излупени и исечкани на коцкички
• една лажица брашно
• 4 лажици шеќер
• 2 лажички екстракт од ванила
• една лажица путер
• ½ лажичка цимет
• ¼ лажичка сол
• цимет за декорација

Начин на подготовка:

Во длабок сад на оган ставете го путерот да се растопи, а потоа додајте му ги јаболката, половина од шеќерот, циметот и солта. Гответе околу пет минути додека јаболката омекнат, а потоа извадете ги во друг сад. Ви истиот сад во кој ги готвевте јаболката, сега ставете го оризот и остатокот од шеќерот. Брашното додајте го во млекото, измешајте добро и почнете полека, малку по малку, да го додавате во оризот. Кога ќе почне да врие, намалете на тивок оган, покријте го садот со капак и оставете го да крчка околу 25 минути. Тогаш би требало оризот да се свари и да стане мек. Потоа во садот додајте ги и јаболката кои беа на страна заедно со екстрактот од ванила. Оставете малку да се излади, при што сутлијашот ќе се згусне уште малку и послужете попрскано со цимет.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.