Колач од Нутела и бисквити: Супер брз рецепт без многу филозофии
Совршен спој на Нутела и бисквити за кој не ви треба рерната ниту искуство во кујната
Потребни состојки:
- 3 шолји слатка павлака
- 2 лажици шеќер
- ½ лажичка цимет
- 2 лажички екстракт од ванила
- ½ шолја Нутела (или сличен намаз)
- 15 бисквити со житарки (или други суви колачиња)
- Свежи јагоди (по желба)
Начин на подготовка:
- Во сад за матење измешајте ги павлаката, шеќерот, циметот и ванилата и сето тоа добро измиксајте го додека не добиете изедначена кремаста смеса (3-4 минути).
- Во смесата додајте ја Нутелата, и полека со лажица мешајте додека во целост не се соедини.
- Во калап наредете ги бисквитите покривајќи го целото дно. Ако е потребно, искршете парчиња за да ги пополните празнините.
- На бисквитите нанесете од кремот во дебел слој и рамномерно распоредете го.
- Врз кремот ставете уште еден слој бисквити и повторно покријте со крем.
- Садот покријте го со фолија и ставете го во ладилникот преку ноќ.
- Колачот исечете го на коцки (ако користевте правоаголен калап) или на триаголници (ако користевте кружен калап) и послужете.
Совети:
- Кога во смесата ќе ја додадете Нутелата, мешајте полека и внимателно за да не се опушти кремот.
- Ако сакате на колачот да му дадете свежина, во рецептот додајте свежи јагоди. Исечете ги на тенки плочки, поставете ги врз првиот слој крем и потоа прекријте ги со бисквити.
- Според рецептот, треба да користите калап со димензии околу 20 на 20 см за да ви испаднат 3 слоја бисквити и 3 слоја крем.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.