Претходно
Протести со бакнување за поевтино образование
Датум: 07 сеп 2011
Коментари: 0
Чилеанските студенти пронашле нов и оригинален начин за протестирање против скапиот и неправеден образовен систем. Наместо да скандираат, да ги маваат факултетите со патлиџани или да прават бељи, тие решиле да спроведат мирни протести со бакнување, кои започнаа на 6 јули и сè уште траат. Со демонстрирање љубов, студентите сметаат дека ќе успеат да го разнежат срцето на чилеанскиот претседател Себастијан Пинера.
Повеќе од 100 студенти и ученици се вклучиле во овој несекојдневно интересен протест во Сантјаго, Чиле за да се побунат против стандардите во образовниот систем и големите трошоци поврзани со него. Тие ги споија усните пред Митрополитската катедрала и на 1 септември, а минувачите морале да подзастанат за да видат што се случува. Страсната сцена ги штрекнала децата и постарите луѓе, а дел од луѓето биле пријатно изненадени и го поздравиле потегот со аплауз.
Невиниот, мирен „љубовен“ протест на чилеански студенти, на моменти бил насилен и морал да биде регулиран од страна на полицијата.
Студентите под водство на 23-годишната харизматична Камила Валејо, бараат реформи во чилеанскиот образовен систем кој создал неколку елитни факултети за богати. Поради тоа тие ја бојкотираат наставата, барајќи еднакво право на образование за сите.
На знакот кој го држат девојките пишува: „Продавам бакнежи за да платам за мојата школарина.“
На знакот кој го држи овој пар пишува: „Љубовта е бесплатна, образованието не е.“
Студентите изјавиле дека протестот со бакнување т.н. „Kiss Party“ е само еден дел од нивните напори за трајна промена на образовниот систем во земјата.
———————————————————————————————————————————————————————
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
