8 факти за пингвините

Пингвините се прекрасни и многу интересни суштества, но сепак поголемиот дел од луѓето во светот го немаат задоволството да живеат во нивна близина и да го следат секој нивни потег. Ова се неколку интересни факти поврзани со нив, од кои ќе научите и ќе дознаете нешто повеќе за нивните навики.

8 факти за пингвините

  • Постојат 18 различни видови пингвини. Нив можете да ги најдете на бреговите на Нов Зеланд, Австралија, Чиле, Јужна Африка, Перу и на островите Галапагос во пределот на екваторот.
  • Тие изгледаат слатко и мило, но знаете како се вели, не суди за книгата според нејзините корици. Тие се родени ловци. Нивните клунови се остри како сечиво, а со нивните крила можат силно да замавнат доколку им се приближи натрапник. Ако се најдете во ситуација да ги набљудувате, држете се на безбедна дистанца.

8 факти за пингвините

  • Тие се киднапери. Доколку мајка загуби бебе пингвин, таа киднапира бебе од друга мајка.
  • Помеѓу нив постои татковска љубов. Кај нив, мајката не е таа која се грижи за бебето пингвин. Таа обврска ја презема таткото.

8 факти за пингвините

  • Пингвините се месојадци, кои се снабдуваат со храна преку морето. Храната која ја јадат зависи од нивниот вид. Тие можат да јадат различни морски животни како што се лигњи, риби, ракчиња и слично.
  • Најголем вид е царскиот пингвин и тој може да достигне тежина и до 35 килограми и висина од 1,1 метар. Од друга страна, најмал вид е малиот син пингвин кој може да достигне висина од 40 сантиметри и тежина од само 2 килограми.

8 факти за пингвините

  • Животниот век на пингвините, исто така, зависи од нивниот вид. Дивиот пингвин може да живее од 15 до 20 години. Во тој период, пингвините поминуваат 75% од времето во морето.
  • Пингвините живеат во големи групи. Овие големи групи можат да ги сочинуваат и до 1000 пингвини.

8 факти за пингвините8 факти за пингвините


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

За авторот
Дипломиран новинар со широк спектар на интереси. Љубител на ТВ серии, фудбал и Цедевита. Статистичар по природа и страстен фан на Јувентус и Роџер Федерер.

Поврзани содржини

Остави коментар