Претходно
Корисни мобилни апликации за сите новопечени родители
Секогаш се корисни советите на нашите мајки и баби, но во денешново време на глобализација, може да ви бидат од помош и апликациите на вашите паметни телефони. Еве неколку предлози за родителите кои се надеваме дека ќе ви бидат од корист.
1. My Baby & Me од Philips AVENT
Оваа апликација ви помага полесно да го следите прогресот на вашето бебе околу неговата висина, тежина, јадење, спиење и колку пати е променета пелената. Исто така, можете да ги забележите посебните моменти. Ќе можете да направите клипче од нив и да го споделите со вашите најблиски преку Фејсбук.
2. Baby Connect
Оваа апликација е неверојатно користа за сите новопечени мајки и татковци. Сеопфатна е, добро дизајнирана и лесно е за подесување. Ви помага при одржувањето на редот околу распоредот за спиење и јадење на бебето, неговата температура, расположенија и многу повеќе. Податоците ги внесувате во графикон со кој е лесно да ракувате и потоа нив може да ги објавите на социјалните мрежи.
3. Web MD Baby
Оваа апликација служи да се консултирате со неа за сенешто, можете да ги запишете важните моменти на вашето бебе, па дури и да ве советува за настинка и други помали проблеми кои може да се јават кај вашето новороденче.(Секако, прво постете лекар). Покрај тоа, има и корисни написи и видеа кои можете да ги проследите. Исто така може да ви послужи и како некогашните „Радосници“.
4. White Noise Baby
Оваа апликација ќе му помогне на вашето бебе да се релаксира, да престане да плаче, подобро да заспие имитирајќи звуци кои смируваат. Тука се вклучуваат звукот кој го произведуваат школките кога ќе ги ставиме на уво, звукот на возење во кола, класична музика, па дури и звуците од мајчината матка.
5. Once Upon a Potty
Доколку е време вашето дете, да се научи да врши нужда во нокшир, а не во пелени, оваа апликација може многу да ви помогне. Постои опција за машко и женско дете кое ќе ви помага во обуката и ќе го направи процесот многу полесен.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
