Претходно
Пронајдете ги идеалните очила за сонце според вашиот хороскопски знак
Датум: 30 јун 2016
Коментари: 0
Сите хороскопски знаци имаат различен карактер, но исто така, и различен моден вкус и стил. Со самото тоа, секој од нив избира различни модни парчиња, бидејќи и не сè им прилега добро. Доколку сè уште не сте сигурни какви очила за сонце најдобро ви стојат, тогаш побарајте го одговорот во вашиот хороскопски знак.
Овен
Вашиот див дух бара необични облици, но и силни бои како што е на пример црвената. Затоа, одличен избор за вас ќе бидат очилата со рамно исечени стакла и впечатлива рамка.
Бик
За вас се идеални моделите кои на некој начин се безвремени. Сепак, доколку сакате и женствени детали, розовите стакла би биле совршен избор за вас.
Близнаци
Иако ги сакате класичните модели, исто така, сакате и да ги следите трендовите. Поради таа причина, очилата со округли рамки со сигурност ќе го привлечат вашето внимание, но и ќе ви стојат одлично.
Рак
Иако сте доста софистицирани и уредни, дамските очила за сонце кои го вртат вниманието кон нив, а со самото тоа и кон вас, се одличен детаљ кој ќе ги „разбие“ вашите едноставни комбинации.
Лав
Сосема е природно вашиот избор на очила да вклучува модел кој сите мора да го забележат. Всушност, оние кои први ќе ги забележите во продавницата поради својата необичност, токму тие се идеалните за вас.
Девица
Сето она што има необично совршен облик, додека истовремено и се одликува со женственост е најдобриот избор за вас. Округли рамки и необичен дезен со сигурност ќе го привлечат вашето внимание.
Вага
Иако вашиот стил воопшто не е едноставен, ниту пак лежерен, токму таквите очила најмногу ќе ви одговараат и ќе се вклопуваат со вашите внимателно избрани модни комбинации.
Скорпија
Иако не се за секојдневно носење, вие сте единствените на кои им прилегаат очила кои зборуваат „изгледам опасно“. Сето тоа што го изразува вашиот став, е тоа што би требало да го барате.
Стрелец
Иако сте по природа авантурист, очилата кои најдобро ви стојат се секако едноставни, но и женствени модели, како што се четвртести рамки и златните детали.
Јарец
Ретро моделите со „мачкести“ рамки се како создадени за вас. За среќа, тие се многу популарни, па многу лесно ќе ги пронајдете.
Водолија
Никој друг покрај вас не може толку добро да носи светки на рамките од очилата. Тие на вистински начин ја опишуваат вашата откачена страна.
Риби
Имате способност да го изберете она што некој ретко би го пробал. Сепак, кога носите необични принтови на рамките сите ќе ве прашуваат од каде сте ги купиле.
