Претходно
Вкусна летна торта со крем и овошје
Лесен и убав десерт совршен за летните денови
Потребни состојки (за 12 послужувања):
За тортата:
- 115 г путер, омекнат на собна температура 1 час
- 290 г шеќер
- 3 големи јајца
- 220 г сенаменско брашно
- 1 лажичка сол
- 3,5 лажички прашок за пециво
- 300 мл млеко
- 2 лажички екстракт од ванила
За кремот:
- 470 мл шлаг/хопла
- 230 мл кисела павлака
- 30 г шеќер во прав
- Прстофат сол
Овошје:
- 2 праски, на парчиња
- 1 кајсија, на парчиња
- 70 г јагоди, исецкани
- 70 г капини
Начин на подготовка:
- Рерната загрејте ја на 180 степени. Тавчето со димензии 22×33 см премачкајте го со зејтин.
- Со миксер во длабок сад изматете ги омекнатиот путер и шеќерот, сѐ додека не станат лесни и воздушести. Потоа, додадете ги јајцата и мешајте додека смесата не стане кремава. Ставете ги и брашното, солта, прашокот за пециво, млекото и екстрактот од ванила. На ниска брзина, матете уште 30-на секунди, а потоа на средна брзина уште 3 минути.
- Во подготвеното тавче ставете ја смесата и оставете да се пече 40-45 минути на 180 степени. Кога ќе биде готова, оставете ја целосно да се излади барем еден час.
- Во друг сад изматете ги шлагот/хоплата, павлаката, шеќерот во прав и солта. Кога смесата ќе биде готова, прелијте ја изладената торта.
- На крајот, врз кремот ставете го исецканото овошје.
- Чувајте ја во фрижидер сѐ до послужувањето.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
