Кригла пиво или колаче? Па зошто да не и двете?
Штосни колачи кои се одлични за специјални прилики како матурски веселби, 18-ти родендени и разни други домашни забави
Потребни состојки:
- 1 микс за чоколадна торта (430 грама)
- 270 мл вода
- 110 мл растително масло
- 3 јајца
За чоколадниот крем ганаш со Бејлис:
- 140 г чоколадо, ситно исечкано
- 120 мл шлаг мена
- 2 лажици шеќер во прав
- 2 лажици ирски крем Бејлис
- 250 г бело чоколадо за моделирање
- Жолта боја за храна
- Дополнителни 250 мл замрзнат бел шлаг
Прибор:
- 10 мали теглички
- Спреј за готвење (против лепење)
Начин на подготовка:
1. Загрејте ја рерната на 180 степени.
2. Направете го миксот за торта со водата, маслото и јајцата според инструкциите на пакувањето.
3. Напрскајте ги теглите со спреј за готвење. Ова е многу важен чекор, затоа не го прескокнувајте инаку подоцна тортата ќе ви се залепи и ќе се растури формата за основата на криглите.
4. Поставете хартија за печење на големо тавче. Секоја тегла наполнете ја подеднакво со смесата, па ставете ги теглите во подготвеното тавче и пикнете ги во загреаната рерна на 20 минути. Пред да ги извадите проверете дали се готови така што ќе пикнете чепкалка во тортите. Ако излегува чиста, значи се готови.
5. Оставете ги тортичките да се изладат околу 10 минути и потоа превртете ги за да испаднат од теглите. Ако не се вадат убаво, внимателно одлепете ги со нож.
Подготовка на чоколадниот кремаст ганаш со Бејлис:
6. Ставете го сечканото чоколадо, шлаг пената и шеќерот во прав во сад и ставете ги во микробранова на 30 секунди за да се стопат. Оставете го садот во внатре уште 3 минути. Потоа извадете го садот, промешајте додека не добиете мазна смеса. Ако чоколадото не е растопено, вратете го назад на уште 10 секунди. Повторете го ова онолку пати колку што е потребно, но притоа промешувајте после секој пат. Додајте го Бејлисот.
7. За да бидат сите кригли со иста големина, исечете ги тортите така што секоја да биде околу 7-8 сантиметри висока. Со нож или со друг кујнски алат отстранете дел средината на секое колаче. Во дупчето на секое колаче сипете од кремот со Бејлис.
2/3 од белото чоколадо за моделирање измешајте го со жолта боја. Направете ролна дебела околу 3 мм. Поставете ја ролната на нелеплива површина (може на даска попрскана со шеќер во прав). Исечете парчиња со димензии 8 на 20 см.
8. Со дрвено стапче или цевка притискајте на секое парче правејќи вдлабнатини на секои 1,5 см, притоа оставајќи околу 1,5 см кон едниот раб. Тука ќе биде дното на чашата.
9. Замотајте по едно жолто парче врз секоја торта, отсекувајќи ги деловите кои се вишок. Поминете ги рабовите кои треба да се спојат со влажна рака и залепете ги.
10. Од остатокот од чоколадото за моделирање направете рачки и прицврстете ги со помош на вода.
11. Пред да ги сервирате криглите, додадете шлаг пена врз секоја чаша за да ја направите пивската пена.
На здравје!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.