Лепчињата со банани и мед на Џејми Оливер
Сладок домашен леб по рецепт на најславниот готвач во светот
Потребни состојки:
- 1 кг брашно
- 6 банани
- 8 супени лажици мед
- една рака бадеми, кршени или сечкани
- млака вода
- 30 грама квасец
- една супена лажица сол
Начин на подготовка:
Бананите ставете ги во блендер и блендирајте додека не добиете течна смеса. Ставете ги во сад за мерење и додавајте млака вода додека не добиете мешавина од 625 мл. Оваа смеса искористете ја наместо вода кога ќе го замесите лебот, а при месењето додајте ги бадемите и половина од медот. Кога тестото ќе стаса, направете десет помали векни и намачкајте ги одозгора со останатиот мед. Печете на температура од 190 степени околу 20 минути, додека лепчињата не добијат убава златна боја. Најдобро е да ги послужите додека се топли.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.