Што открива движењето на очите?

Што открива движењето на очите?

Можат ли очите да откријат дали некој лаже или ја кажува вистината? Во криминалистичките филмови и ТВ серии, еден поглед може да го реши злосторството. Сепак, во реалноста, техниката на „читање“ на погледот е корисна, применлива и понекогаш точен показател за вистината.

Следува еден шаблон кој покажува какво значење има секој конкретен поглед.

Што открива движењето на очите?

Гледајте во цртежите како да гледате во друга личност (левото е ваше лево и обратно). Значењето на опишаните погледи важи за луѓе кои работат со десна рака. За левучари, толкувањето е обратно.

Што открива движењето на очите?

Горе-лево: Визуелно конструирање слики (ВКС)

Значење: личноста си замислува (визуелизира) одредена слика

Пример: Некому му велите: „Замисли како би изгледал Цацко кога би бил слаб.“ Тој си го визуелизира ова во главата, ја конструирате таквата слика и притоа неговите очи се придвижуваат кон горе лево.

Што открива движењето на очите?

Горе-десно: Визуелно потсетување (ВП)

Значење: личноста се потсетува на некоја слика која ја има видено во минатото

Пример: Прашувате некого каква фризура имал пред 4 години, а тој ги придвижува очите кон горе-десно додека се присетува на таа слика од минатото.

Што открива движењето на очите?

Лево: Аудитивно конструирање (АК)

Значење: личноста си замислува (креира) некој звук во главата

Пример: Ако некому му кажете да си замисли како би звучел најсилниот звук што тој би можел да го произведе со викање, тој ќе си го конструира ваквиот звук во главата, кој не му е познат од порано. Додека трае конструирањето на звукот во мислите, очите се придвижуваат кон лево.

Што открива движењето на очите?

Десно: Аудитивно потсетување (АП)

Значење: личноста се обидува да се присети на некој конкретен звук

Пример: Ако прашате некого како оди некоја песна, тие ќе го свртат погледот кон десно додека се присетуваат на мелодијата која им е позната.

Што открива движењето на очите?

Долу-лево: Кинестезија/Чувствување (К/Ч)

Значење: личноста се обидува да се присети на некоја миризба, чувство или вкус

Пример: Кога со некој разговарате за вкусни јадења кои сте ги пробале минатото лето на одмор, тој се присетува на вкусот на морските школки додека зборувате за нив, притоа движејќи ги очите надолу, кон лево.

Што открива движењето на очите?

Долу-десно: Аудитивен внатрешен дијалог (АВД)

Значење: личноста си зборува сама со себе во главата

Пример: Гледате како некој е длабоко замислен и си води дијалози во својата глава.

Шемата за толкување на погледите не е применлива за секој човек. За да добиете подобри резултати во толкувањето, најдобро прво поминете некое време со личноста, пред да ги оценувате нејзините изјави.

Вежбајте со вашите блиски роднини и пријатели. Со оглед на тоа дека добро ги познавате, ќе бидете во можност да направите подобра проценка.

Што открива движењето на очите?

Како ова може да ви помогне?

1) За да дознавате на што мислат луѓето

На пример, ако некој гледа долу-десно, можете да претпоставите дека тој води интерен дијалог во својата глава, па можете да го прашате за што размислува, со цел да му помогнете. Ако некој погледне нагоре, лево или десно, ќе знаете дали се обидува да се сети.

2) Откривање лаги

Ако прашате некоја ваша блиска личност, на пример вашето момче или девојка, каде бил/а излезен/а претходната вечер и тој/таа погледне нагоре кон лево, ќе знаете дека не се присетува, туку моментално конструира слика за тоа, додека ви го дава одговорот.

3) Замаскирајте ги вашите мисли

Ако знаете што значат движењата на очите, можете да го совладате и нивното контролирање, со цел да не ја откривате вистината во ситуации кога преферирате да не бидете „прочитани“ од погледот.

Имате ли уште некоја добра идеја за примена на овој модел? Дали луѓето лесно ве откриваат кога лажете или пак вие сте махери за тоа?


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар